நெக்சான் எலெக்ட்ரிக் மாடலுக்கு குறுகிய கால மாத சந்தா சலுகை அறிவிப்பு

டாடா நெக்சான் எலெக்ட்ரிக் மாடலுக்கு நவம்பர் 30 ஆம் தேதி வரை விசேஷ சலுகை அறிவிக்கப்பட்டு உள்ளது. எனினும், இந்த சலுகை முதல் 100 சந்தாதாரர்களுக்கு மட்டுமே வழங்கப்படுகிறது.

புதிய சலுகையின் கீழ் வாடிக்கையாளர்கள் நெக்சான் இவி மாடலை நிர்ணயிக்கப்பட்ட மாத வாடகையில் காரை பெற்றுக் கொள்ள முடியும். அனைத்து கட்டணங்கள் மற்றும் வாடகை சேர்த்து மாதம் ரூ. 34,900 என கட்டணம் நிர்ணயம் செய்யப்பட்டு உள்ளது.

வாடிக்கையாளர்கள் தங்களது சந்தாவை 12 மாதங்களில் துவங்கி அதிகபட்சம் 24 மற்றும் 36 மாதங்கள் வரை பயன்படுத்த முடியும். இந்த சேவை தற்சமயம் டெல்லி, மும்பை, பூனே, ஐதராபாத் மற்றும் பெங்களூரு போன்ற நகரங்களில் வழங்கப்படுகிறது.

வாடிக்கையாளர்கள் செலுத்தும் மாத வாடகையில் 24x7 ரோடு சைடு அசிஸ்டண்ஸ், இலவச பராமரிப்பு மற்றும், குறிப்பிட்ட கால இடைவெளியில் சர்வீஸ் மற்றும் ஹோம் டெலிவரி உள்ளிட்டவை வழங்கப்படுகிறது.