ஆட்டோமொபைல்
ஆடி ஆர்எஸ் கியூ8 டீசர்

ஆடி ஆர்எஸ் கியூ8 முன்பதிவு விவரம்

Published On 2020-08-06 11:14 GMT   |   Update On 2020-08-06 11:14 GMT
ஆடி நிறுவனத்தின் புதிய ஆர்எஸ் கியூ8 மாடல் முன்பதிவு விவரங்களை தொடர்ந்து பார்ப்போம்.


ஆடி நிறுவனம் புதிய ஆர்எஸ் கியூ8 மாடலுக்கான முன்பதிவுகளை துவங்கி இறுக்கிறது. புதிய கார் முன்பதிவை வாடிக்கையாளர்கள் ஆடி அதிகாரப்பூர்வ வலைதளம் அல்லது விற்பனையகத்தில் ரூ. 15 லட்சம் செலுத்தி மேற்கொள்ள முடியும்.

புதிய ஆர்எஸ் கியூ8 மாடல் இதே ஆண்டு ஆடி அறிமுகம் செய்யும் நான்காவது வாகனம் ஆகும். கடந்த மாதம் ஆடி ஆர்எஸ்7 மாடலை இந்திய சந்தையில் அறிமுகம் செய்தது. அந்த வகையில் புதிய கார் இந்த ஆண்டு அறிமுகமாகும் இரண்டாவது ஆர்எஸ் மாடல் என்பதும் குறிப்பிடத்தக்கது.



ஆடி ஆர்எஸ் கியூ8 மாடலில் 4.0 லிட்டர் ட்வின் டர்போ வி8 என்ஜின் வழங்கப்பட்டு உள்ளது. இந்த என்ஜின் 600 பிஹெச்பி பவர், 800 என்எம் டார்க் செயல்திறன் வழங்குகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது. இத்துடன் குவாட்ரோ ஆல் வீல் டிரைவ் சிஸ்டம் வழங்கப்படுகிறது. 

புதிய ஆடி கார் மணிக்கு 0 முதல் 100 கிலோமீட்டர் வேகத்தை வெறும் 3.8 நொடிகளில் எட்டிவிடும் திறன் கொண்டிருக்கிறது. காரின் வெளிப்புறத்தில் பிரம்மாண்ட தோற்றம், ஒற்றை ஃபிரேம் கிரில், மேம்பட்ட முன்புற மற்றும் பின்புற பம்ப்பர்கள் வழங்கப்படுகிறது. இத்துடன் 22 இன்ச் அலாய் வீல்கள் மற்றும் 23 இன்ச் யூனிட்கள் ஆப்ஷனாக வழங்கப்படுகிறது.
Tags:    

Similar News