ஆட்டோமொபைல்
முன்பதிவில் புதிய மைல்கல் கடந்த எம்ஜி ஹெக்டார்
எம்ஜி மோட்டார் நிறுவனத்தின் புதிய ஹெக்டார் கார் இந்திய சந்தை முன்பதிவில் புதிய மைல்கல் கடந்து இருக்கிறது.
எம்ஜி மோட்டார்ஸ் நிறுவனத்தின் புதிய ஹெக்டார் மாடல் கடந்த ஆண்டு இந்திய சந்தையில் அறிமுகம் செய்யப்பட்டது. புதிய எஸ்யுவி மாடல் விலை காரணமாக அதிக வாடிக்கையாளர்களை கவர்ந்து வருகிறது.
இந்தியாவில் அதிக முன்பதிவுகளை பெற்று வரும் நிலையில், தற்போதைய கொரோனா வைரஸ் பாதிப்பு காரணமாக எம்ஜி ஹெக்டார் உற்பத்தி பணிகள் பாதிக்கப்பட்டு இருக்கிறது. உற்பத்தி பாதிப்பு காரணமாக கார்களை விநியோகம் செய்ய முடியாத நிலை ஏற்பட்டுள்ளது.
அறிமுகமானது முதல் ஹெக்டார் காரை வாங்க சுமார் 50 ஆயிரத்திற்கும் அதிக முன்பதிவுகளை கடந்து இருக்கிறது. இதில் 20 ஆயிரம் யூனிட்களை எம்ஜி மோட்டார் நிறுவனம் விநியோகம் செய்து இருக்கிறது.
எம்ஜி மோட்டார் நிறுவனத்தின் ஹெக்டார் எஸ்யுவி மாடல் விலை ரூ. 12.74 லட்சத்தில் துவங்கி, டாப் எண்ட் மாடல் விலை ரூ. 17.44 லட்சம் என நிர்ணயம் செய்யப்பட்டு இருக்கிறது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.