ஆன்லைனில் முன்பதிவுக்கு வரும் ஸ்கோடா கார்

ஸ்கோடா ஆட்டோ நிறுவனத்தின் ஆக்டேவியா ஆர்.எஸ். 245 காருக்கான முன்பதிவினை மார்ச் 1-ம் தேதி முதல் துவங்க இருக்கிறது. புதிய காருக்கான முன்பதிவுகள் ஆன்லைனில் நடைபெற இருக்கிறது. முன்னதாக ஸ்கோடா ஆக்டேவியா 245 கார் 2020 ஆட்டோ எக்ஸ்போ விழாவில் அறிமுகம் செய்யப்பட்டது.

ஸ்கோடா ஆக்டேவியா ஆர்.எஸ். 245 மாடலுக்கான முன்பதிவு கட்டணம் ரூ. 1 லட்சம் என நிர்ணயம் செய்யப்பட்டுள்ளது. ஸ்கோடா ஆக்டேவியா ஆர்.எஸ். 245 மாடல் வெறும் 200 யூனிட்களே முன்பதிவு செய்ய முடியும். 2020 ஸ்கோடா ஆக்டேவியா ஆர்.எஸ். 245 காரின் விலை ரூ. 36 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

புதிய ஸ்கோடா ஆக்டேவியா ஆர்.எஸ். 245 மாடல்- ரேலி கிரீன், ரேஸ் புளூ, கொரிடா ரெட், மேஜிக் பிளாக் மற்றும் கேண்டி வைட் என ஐந்து நிறங்களில் கிடைக்கிறது. ஆர்.எஸ். 245 மாடலில் 242 பி.ஹெச்.பி. பவர், 370 என்.எம். டார்க் செயல்திறன் வழங்குகிறது. இத்துடன் 7 ஸ்பீடு டி.எஸ்.ஜி. கியர்பாக்ஸ் வழங்கப்படுகிறது.

புதிய ஸ்கோடா ஆக்டேவியா ஆர்.எஸ். 245 இந்தியாவுக்கு வெளிநாடுகளில் இருந்து இறக்குமதி செய்யப்படுகிறது. இதனால் இதன் விலை ஸ்கோடா ஆக்டேவியா எல் அண்ட் கே வேரியண்ட்டை விட ரூ. 13 லட்சம் வரை அதிகமாகி உள்ளது.

ஸ்கோடா ஆக்டேவியா ஆர்.எஸ். 245 மாடலில் ஆடி மாடல்களில் உள்ளதை போன்ற விர்ச்சுவல் காக்பிட் வழங்கப்படுகிறது. இத்துடன் 8 அங்குல தொடுதிரை வசதி கொண்ட இன்ஃபோடெயின்மென்ட் சிஸ்டம், ஆப்பிள் கார்பிளே மற்றும் ஆண்ட்ராய்டு ஆட்டோ வசதி வழங்கப்படுகிறது.