ஹூண்டாய் கிராண்ட் ஐ10 பி.எஸ்.6 விலை அறிவிக்கப்பட்டது

ஹூண்டாய் நிறுவனம் இந்தியாவில் பி.எஸ்.6 கிராண்ட் ஐ10 மாடல் காரை அறிமுகம் செய்தது. இந்தியாவில் இதன் விலை ரூ. 6.03 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. 

ஹூண்டாய் கிராண்ட் ஐ10, வென்யூ மற்றும் எலைட் ஐ20 பி.எஸ்.6 மாடல்களுக்கான முன்பதிவு இம்மாத துவக்கத்தில் துவங்கியது. புதிய பி.எஸ்.6 ஹூண்டாய் கிராண்ட் ஐ10 இரு வேரியண்ட்களில் கிடைக்கிறது. முதல் மாடலில் 1.2 லிட்டர் கப்பா VTVT பெட்ரோல் என்ஜின் வழங்கப்பட்டுள்ளது.

இந்த என்ஜின் 81 பி.ஹெச்.பி. பவர், 114 என்.எம். டார்க் செயல்திறன் வழங்குகிறது. இத்துடன் 5 ஸ்பீடு மேனுவல் டிரான்ஸ்மிஷன் வழங்கப்பட்டுள்ளது. இத்துடன் சி.என்.ஜி. வேரியண்ட்டும் கிடைக்கிறது. பி.எஸ்.6 கிராண்ட் ஐ10 மாடல்: மேக்னா, ஸ்போர்ட்ஸ் மற்றும் மேக்னா சி.என்.ஜி. என மூன்று மாடல்களில் கிடைக்கிறது.