ஆட்டோமொபைல்
டாடா டியாகோ விஸ் எடிஷன்

அசத்தல் அம்சங்களுடன் அறிமுகமான டாடா டியாகோ விஸ் எடிஷன்

Published On 2019-10-06 10:12 GMT   |   Update On 2019-10-06 10:12 GMT
டாடா மோட்டார்ஸ் நிறுவனத்தின் டியாகோ விஸ் எடிஷன் கார் அசத்தல் அம்சங்களுடன் அறிமுகம் செய்யப்பட்டது.

டாடா மோட்டார்ஸ் நிறுவனம் இந்தியாவில் டியாகோ காரின் விஸ் லிமிட்டெட் எடிஷன் காரை அறிமுகம் செய்தது. புதிய டியாகோ விஸ் எடிஷன் விலை ரூ. 5.40 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

டாடா டியாகோ விஸ் ஹேட்ச்பேக் மாடலை சுற்றி ஆரஞ்சு நிற ஹைலைட்கள் செய்யப்பட்டுள்ளன. இவற்றில் முன்புற கிரில், வீல் கவர்கள் மற்றும் ORVMகளில் ஆரஞ்சு நிறம் பூசப்பட்டுள்ளது. புதிய டாடா டியாகோ விஸ் டைட்டானியம் கிரே நிறத்தில் கிடைக்கிறது.



வெளிப்புறம் மட்டுமின்றி காரின் உள்புறம் ஃபுல் ஃபேப்ரிக் சீட்கள், ஆரஞ்சு டிகோ-ஸ்டிட்ச், கிரானைட் பிளாக் டோர் ஹேன்டிள், டைட்டானியம் கிரே கியர் ஷிஃப்ட் பெசல் கொண்டிருக்கிறது. டாடா டியாகோ லிமிட்டெட் எடிஷன் மாலில் 1.2 லிட்டர் ரெவோடிரான் பெட்ரோல் என்ஜின் கொண்டிருக்கிறது.

இந்த என்ஜின் 85 பி.ஹெச்.பி. பவர், 5-ஸ்பீடு மேனுவல் டிரான்ஸ்மிஷன் கியர்பாக்ஸ் உடன் வருகிறது. இத்துடன் பல்வேறு டிரைவிங் மோட்களை கொண்டிருக்கிறது. இதே என்ஜின் டியாகோவின் ஸ்டான்டர்டு வேரியண்ட்டிலும் வழங்கப்பட்டிருக்கிறது.
Tags:    

Similar News