400சிசியில் புது பைக் அறிமுகம் செய்யும் டிரையம்ப்

பஜாஜ் ஆட்டோ மற்றும் டிரையம்ப் மோட்டார்சைக்கிள்ஸ் நிறுவனங்கள் இடையிலான கூட்டணி மூலம் டிரையம்ப் பிராண்டிங்கில் குறைந்த விலை மோட்டார்சைக்கிள்கள் அறிமுகம் செய்யப்பட்டுள்ளன. 400சிசி, சிங்கிள் சிலிண்டர் பிளாட்ஃபார்மில் டிரையம்ப் நிறுவனம் இரண்டு மோட்டார்சைக்கிள் மாடல்களை அறிமுகம் செய்துள்ளது.

இந்த நிலையில், 2024 இறுதிக்கிள் மற்றொரு புதிய டிரையம்ப் மோட்டார்சைக்கிள் அறிமுகம் செய்யப்பட உள்ளதாக பஜாஜ் ஆட்டோ தலைமை செயல் அதிகாரி ராஜிவ் பஜாஜ் தெரிவித்துள்ளார். இந்த மோட்டார்சைக்கிள் மிடில் வெயிட் மோட்டார்சைக்கிள் பிரிவில் நிலைநிறுத்தப்படும் என்று தெரிகிறது. இது தொடர்பான தகவலை தனியார் நிறுவனத்திற்கு அளித்த பேட்டியில் அவர் தெரிவித்தார்.

புதிய டிரையம்ப் மோட்டார்சைக்கிள் திரக்ஸ்டன் 400 மோட்டார்சைக்கிளை தழுவி உருவாக்கப்பட்டு இருக்கும் என்று தெரிகிறது. சமீபத்தில் திரக்ஸ்டன் மாடலை போன்ற தோற்றம் கொண்ட செமி-ஃபேர்டு மோட்டார்சைக்கிள் டெஸ்டிங் செய்யப்படும் புகைப்படம் இணையத்தில் வெளியாகி இருந்தது.

ஸ்பீடு 400 மற்றும் ஸ்கிராம்ப்ளர் 400X போன்றே இந்த பைக்கும் 400சிசி பிளாட்ஃபார்மில் உருவாக்கப்படும் என தெரிகிறது. இந்த பைக் கஃபே ரேசர் பிரிவில் இடம்பெறும் என்றும் இதன் விலை ரூ. 2 லட்சத்து 50 ஆயிரம், எக்ஸ்-ஷோரூம் முதல் துவங்கும் என்று கூறப்படுகிறது.