பைக்

ஹோண்டா ஆக்டிவா எலெக்ட்ரிக் ஸ்கூட்டர் - இணையத்தில் லீக் ஆன விலை விவரங்கள்

Published On 2022-09-21 09:14 GMT   |   Update On 2022-09-21 09:15 GMT
  • ஹோண்டா நிறுவனத்தின் ஆக்டிவா எலெக்ட்ரிக் வேரியண்ட் உருவாக்கப்பட்டு வருகிறது.
  • புதிய ஆக்டிவா எலெக்ட்ரிக் விலை விவரங்கள் இணையத்தில் வெளியாகி உள்ளது.

ஹோண்டா நிறுவனம் 2025 வாக்கில் பத்து எலெக்ட்ரிக் இருசக்கர வாகனங்களை அறிமுகம் செய்ய திட்டமிட்டிருப்பதாக சமீபத்தில் தகவல் வெளியாகி இருந்தது. இதில் ஆக்டிவா எலெக்ட்ரிக் ஸ்கூட்டரும் இடம்பெற்று இருக்கிறது. இந்த நிலையில், ஹோண்டா எலெக்ட்ரிக் இருசக்கர வாகனம் பற்றி புது தகவல்கள் வெளியாகி உள்ளன.

அந்த வகையில் ஹோண்டா நிறுவனம் ஆக்டிவா எலெக்ட்ரிக் ஸ்கூட்டரை 2024 வாக்கில் அறிமுகம் செய்யப்பட இருப்பதாகவும் இதன் விலை தற்போது விற்பனை செய்யப்படும் ஆக்டிவா 110சிசி வேரியண்டை விட குறைவாகவே நிர்ணயம் செய்யப்படும் என தகவல் வெளியாகி உள்ளது. இந்தியாவில் ஆக்டிவா பெட்ரோல் மாடல் விலை ரூ. 73 ஆயிரம், எக்ஸ்-ஷோரூம் என துவங்குகிறது.

 புதிய ஹோண்டா எலெக்ட்ரிக் வெர்ஷன் மணிக்கு அதிகபட்சம் 60 கிலோமீட்டர் வேகத்தில் செல்லும் திறன் கொண்டிருக்கும் என்றும் மிட்-ரேன்ஜ் எலெக்ட்ரிக் வாகனமாக அறிமுகமாகும் என தெரிகிறது. எலெக்ட்ரிக் வாகனத்தை மாற்று போக்குவரத்துக்காக வாங்க நினைக்கும் வாடிக்கையாளர்களுக்கு ஆக்டிவா எலெக்ட்ரிக் மாடல் ஏற்றதாக இருக்கும் என ஹோண்டா தெரிவித்து இருக்கிறது.

இந்த ஸ்கூட்டர் முழு சார்ஜ் செய்தால் எத்தனை கிலோமீட்டர் ரேன்ஜ் வழங்கும் என்பது பற்றி இதுவரை எந்த தகவலும் இல்லை. எனினும், இந்த ஸ்கூட்டர் 60 முதல் 80 கிலோமீட்டர் வரையிலான ரேன்ஜ் கொண்டிருக்கும் என தெரிகிறது. தோற்றத்தில் இந்த ஸ்கூட்டர் பெட்ரோல் மாடலை போன்றே காட்சியளிக்கும்.

Tags:    

Similar News