ஆட்டோமொபைல்
ரெவோல்ட் ஆர்.வி.400 முன்பதிவு விவரம்
ரெவோல்ட் நிறுவனத்தின் புதிய ஆர்.வி.400 எலெக்ட்ரிக் மோட்டார்சைக்கிள் முன்பதிவு அடுத்த வாரம் துவங்குகிறது.
ரெவோல்ட் மோட்டார்ஸ் நிறுவனம் தனது பிளாக்ஷிப் எலெக்ட்ரிக் மோட்டார்சைக்கிள் மாடலான ஆர்.வி.400 முன்பதிவுகளை மீண்டும் துவங்க இருக்கிறது. ரெவோல்ட் ஆர்.வி.400 முன்பதிவு அக்டோபர் 21 மதியம் 12 மணிக்கு துவங்குகிறது. இந்தியா முழுக்க 70 நகரங்களில் இந்த மோட்டார்சைக்கிள் முன்பதிவு நடைபெற இருக்கிறது.
அடுத்த ஆண்டு துவக்கத்தில் மேலும் 64 புதிய நகரங்களில் ரெவோல்ட் தனது எலெக்ட்ரிக் வாகன விற்பனையை நீட்டிக்க திட்டமிட்டு உள்ளது. தற்போது டெல்லி, மும்பை, பூனே, சென்னை, ஆமதாபாத் மற்றும் ஐதராபாத் போன்ற நகரங்களில் ரெவோல்ட் தனது வாகனங்களை விற்பனை செய்து வருகிறது.
புதிய ரெவோல்ட் ஸ்டோர்களில் விற்பனை மட்டுமின்றி எலெக்ட்ரிக் மோட்டார்சைக்கிளை டெஸ்ட் ரைடு, சார்ஜிங் செட்டப் நிறுவும் முறை மற்றும் இதர விவரங்கள் வழங்கப்பட இருக்கிறது. ரெவோல்ட் ஆர்.வி.400 மோட்டார்சைக்கிள் முழு சார்ஜ் செய்தால் 150 கிலோமீட்டர் வரை செல்லும்.