ஆட்டோமொபைல்
பஜாஜ் பல்சர்

பல்சர் 250 வெளியீட்டு விவரம்

Published On 2021-10-11 05:15 GMT   |   Update On 2021-10-11 05:15 GMT
பஜாஜ் நிறுவனத்தின் பல்சர் 250 மோட்டார்சைக்கிள் மாடல் விரைவில் இந்தியாவில் அறிமுகம் செய்யப்படுகிறது.


பஜாஜ் நிறுவனம் பல்சர் 250 மோட்டார்சைக்கிளை அக்டோபர் 28 ஆம் தேதி இந்தியாவில் அறிமுகம் செய்கிறது. இந்த மோட்டார்சைக்கிள் நேக்கட் மற்றும் செமி பேர்டு என இரு மாடல்களில் உருவாகி இருக்கிறது.

பல்சர் 250 மாடல் தற்போது இந்தியாவில் விற்பனை செய்யப்படும் என்.எஸ்.200 மாடலுக்கு மாற்றாக அமையும் என தெரிகிறது. புதிய 250 சீரிஸ் வெளியீட்டை தொடர்ந்து பல்சர் 220 விற்பனை செய்யப்படுமா என்ற கேள்வியும் எழுந்துள்ளது. 



புதிய பல்சர் 250 மாடலில் புல் எல்.இ.டி லைட்டிங், டிஜிட்டல் கன்சோல், ப்ளூடூத் கனெக்டிவிட்டி போன்ற அம்சங்கள் வழங்கப்படலாம் என தெரிகிறது. இதில் வழங்கப்படும் 250சிசி என்ஜின் பற்றி எந்த தகவலும் இல்லை. எனினும், இது 24 பி.ஹெச்.பி. திறன், 20 நியூட்டன் மீட்டர் டார்க் இழுவிசையை வெளிப்படுத்தும் என தெரிகிறது.
Tags:    

Similar News