அசத்தல் அம்சங்களுடன் புதிய ஜூப்பிட்டர் 125 அறிமுகம்

டிவிஎஸ் மோட்டார் கம்பெனி புதிய ஜூப்பிட்டர் 125 ஸ்கூட்டரை இந்தியாவில் அறிமுகம் செய்தது. இதன் துவக்க விலை ரூ. 73,400, எக்ஸ்-ஷோரூம் என நிர்ணயம் செய்யப்பட்டு உள்ளது. 

புதிய டிவிஎஸ் ஜூப்பிட்டர் 125 மாடலில் 124.8சிசி, ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 8.2 பி.ஹெச்.பி. திறன், 10.5 நியூட்டன் மீட்டர் டார்க் இழுவிசையை வழங்குகிறது. புதிய ஜூப்பிட்டர் மாடலில் 12 இன்ச் வீல்கள், முன்புறம் டெலிஸ்கோபிக் போர்க், பின்புறம் மோனோஷாக் யூனிட் வழங்கப்பட்டு இருக்கிறது.

இத்துடன் 32 லிட்டர் அன்டர் சீட் ஸ்டோரேஜ், முன்புறம் குளோவ் பாக்ஸ், யு.எஸ்.பி. சார்ஜர் வழங்கப்பட்டு உள்ளது. இந்திய சந்தையில் புதிய டிவிஎஸ் ஜூப்பிட்டர் 125 மாடல் சுசுகி அக்சஸ் 125 மற்றும் ஹோண்டா ஆக்டிவா 125 மாடல்களுக்கு போட்டியாக அமைகிறது.