ஆட்டோமொபைல்
2021 டிரையம்ப் ஸ்டிரீட் ஸ்கிராம்ப்ளர்

விரைவில் இந்தியா வரும் 2021 டிரையம்ப் ஸ்டிரீட் ஸ்கிராம்ப்ளர்

Published On 2021-10-06 05:12 GMT   |   Update On 2021-10-06 05:12 GMT
டிரையம்ப் நிறுவனத்தின் 2021 ஸ்டிரீட் ஸ்கிராம்ப்ளர் மோட்டார்சைக்கிள் மாடலுக்கான புதிய டீசர் வெளியிடப்பட்டு இருக்கிறது.


டிரையம்ப் மோட்டார்சைக்கிள்ஸ் நிறுவனம் 2021 ஸ்டிரீட் ஸ்கிராம்ப்ளர் மாடலுக்கான டீசரை வெளியிட்டு உள்ளது. முன்னதாக இந்த மாடல் சர்வதேச சந்தையில் அறிமுகம் செய்யப்பட்டது. இந்த மாடலுடன் சேண்ட்-ஸ்டார்ம் எடிஷனும் அறிமுகமானது. சேண்ட்-ஸ்டார்ம் எடிஷன் இந்தியாவில் ரூ. 9.55 லட்சம் விலையில் விற்பனை செய்யப்படுகிறது.

புதிய ஸ்டிரீட் ஸ்கிராம்ப்ளர் ஸ்டாண்டர்டு வெர்ஷன் விலை குறைவாகவே இருக்கும் என கூறப்படுகிறது. இந்தியாவில் இந்த மாடல் விலை ரூ. 8.70 லட்சம் வரை நிர்ணயம் செய்யப்படலாம் என கூறப்படுகிறது. 2021 ஸ்டிரீட் ஸ்கிராம்ப்ளர் மாடலில் பி.எஸ்.6 புகை விதிகளுக்கு பொருந்தும் 900சிசி, பேரலெல் ட்வின் என்ஜின் வழங்கப்படுகிறது.



இந்த என்ஜின் 64.1 பி.ஹெச்.பி திறன், 80 நியூட்டன் மீட்டர் டார்க் இழுவிசையை வழங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டு உள்ளது. புதிய ஸ்டிரீட் ஸ்கிராம்ப்ளர் மாடலில் வட்ட வடிவ ஹெட்லேம்ப், ட்வின் எக்சாஸ்ட் வழங்கப்படுகிறது.

Tags:    

Similar News