விரைவில் இந்தியா வரும் 2021 கே.டி.எம். ஆர்சி சீரிஸ்

கே.டி.எம். இந்தியா நிறுவனம் 2021 ஆர்சி சீரிஸ் மாடல்கள் விரைவில் அறிமுகமாகும் என அறிவித்து இருக்கிறது. 2021 ஆர்சி சீரிசில் ஆர்சி125, ஆர்சி200 மற்றும் ஆர்சி390 மாடல்கள் இடம்பெற்று இருக்கின்றன. ஏற்கனவே இவை சர்வதேச சந்தையில் அறிமுகம் செய்யப்பட்டுவிட்டன. எனினும், இந்திய மாடல்களின் அம்சங்களில் மாற்றம் செய்யப்பட்டு இருக்கலாம் என எதிர்பார்க்கப்படுகிறது.

2021 ஆர்சி 125 மாடலின் சர்வதேச வேரியண்டில் வழங்கப்பட்டு இருக்கும் அனைத்து அம்சங்களும் இருக்காது. மாறாக இதில் விலையை குறைக்கும் நோக்கில் சில அம்சங்கள் மாற்றப்பட்டு இருக்கலாம் என தெரிகிறது. ஆர்சி 200 மாடலில் ஹாலோஜென் ஹெட்லைட், எல்.சி.டி. ஸ்கிரீன் வழங்கப்படும் என கூறப்படுகிறது.

2021 ஆர்சி390 மாடல் அம்சங்கள் மட்டும் சர்வதேச வேரியண்டில் வழங்கப்பட்டு இருக்கும் பெரும்பாலான அம்சங்களை கொண்டிருக்கும் என தெரிகிறது. இதன் இந்திய வேரியண்டில் அட்ஜஸ்ட் செய்யக்கூடிய முன்புற போர்க்குகள் நீக்கப்பட்டு இருக்கலாம்.