யமஹா ஆர்15 வி4 இந்திய வினியோக விவரம்

யமஹா நிறுவனத்தின் புதிய ஆர்15 வி4 மோட்டார்சைக்கிள் இந்திய விற்பனை மையங்களை வந்தடைந்தது. மேலும் இந்த மாடலின் வினியோகமும் துவங்கி இருக்கிறது. புதிய எண்ட்ரி லெவல் ஸ்போர்ட்பைக் ஐந்து நிறங்களில் கிடைக்கிறது. 

புதிய யமஹா ஆர்15 வி4 மாடலில் டிராக்‌ஷன் கண்ட்ரோல், குயிக் ஷாப்டர் போன்ற அம்சங்களும் வழங்கப்பட்டு இருக்கிறது. இந்த மாடலில் 155சிசி, சிங்கில் சிலிண்டர், லிக்விட் கூல்டு என்ஜின் மற்றும் வேரியபில் வால்வ் ஆக்டுவேஷன் சிஸ்டம் வழங்கப்பட்டு உள்ளது. இந்த என்ஜின் 18.1 பி.ஹெச்.பி. திறன், 14.2 நியூட்டன் மீட்டர் டார்க் இழுவிசையை வழங்குகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.

இந்தியாவில் யமஹா ஆர்15 வி4 மாடலின் விலை ரூ. 1,67,800 என துவங்கி டாப் எண்ட் மாடல் விலை ரூ. 1,79,800, எக்ஸ்-ஷோரூம் என நிர்ணயம் செய்யப்பட்டு உள்ளது. முந்தைய மாடலுடன் ஒப்பிடும் போது புதிய வி4 மாடல்களின் விலை ரூ. 10 ஆயிரம் வரை அதிகம் ஆகும்.