2021 மான்ஸ்டர் சீரிஸ் மாடல்களை அறிமுகம் செய்த டுகாட்டி

டுகாட்டி நிறுவனம் இந்திய சந்தையில் 2021 மான்ஸ்டர் மோட்டார்சைக்கிளை அறிமுகம் செய்தது. இதன் விலை ரூ. 10.99 லட்சம், எக்ஸ்-ஷோரூம் என துவங்குகிறது. புதிய டுகாட்டி மான்ஸ்டர் முன்பதிவு ஏற்கனவே துவங்கி நடைபெற்று வருகிறது. விரைவில் இதன் வினியோகம் துவங்குகிறது.

புதிய டுகாட்டி மான்ஸ்டர் மோட்டார்சைக்கிள் மான்ஸ்டர் ரெட் நிற வேரியண்ட் குறைந்த விலையில் கிடைக்கிறது. இதன் அவியேட்டர் கிரே, ரெட் வீல்கள், டார்க் ஸ்டெல்த் நிற வேரியண்ட் ரூ. 11.09 லட்சம், டுகாட்டி மான்ஸ்டர் பிளஸ் விலை ரூ. 11.24 லட்சம் ஆகும். 

2021 டுகாட்டி மான்ஸ்டர் மாடலில் எல்.இ.டி. லைட்டிங், 4.3 இன்ச் டி.எப்.டி. டிஸ்ப்ளே, ஆப்ஷனல் ப்ளூடூத் கனெக்டிவிட்டி வழங்கப்படுகிறது. இந்த மாடல் - ஸ்போர்ட், அர்பன் மற்றும் டூரிங் என மூன்று ரைடிங் மோட்களை கொண்டிருக்கிறது. இத்துடன் வீலி கண்ட்ரோல், டிராக்‌ஷன் கணட்ரோல், கார்னெரிங் ஏ.பி.எஸ். போன்ற அம்சங்கள் வழங்கப்பட்டு உள்ளது.

இந்த மாடலில் 937 சிசி, டெஸ்டாஸ்டிரெட்டா எல் ட்வின் என்ஜின் வழங்கப்படுகிறது. இந்த என்ஜின் 111 பி.ஹெச்.பி. திறன், 93 நியூட்டன் மீட்டர் டார்க் இழுவிசையை வழங்குகிறது. இத்துடன் 6 ஸ்பீடு கியர்பாக்ஸ், ஆண்டி-ஸ்லிப் கிளட்ச், குயிக்‌ஷாப்டர் வழங்கப்படுகிறது.