ஆட்டோமொபைல்
பி.எம்.டபிள்யூ. சி 400 ஜி.டி.

சி 400 ஜி.டி. மாடலுக்கு அசத்தல் டீசர் வெளியிட்ட பி.எம்.டபிள்யூ.

Published On 2021-09-23 06:12 GMT   |   Update On 2021-09-23 06:12 GMT
பி.எம்.டபிள்யூ. நிறுவனத்தின் புதிய மேக்சி ஸ்கூட்டர் விரைவில் இந்தியாவில் வெளியிடப்பட இருக்கிறது.


பி.எம்.டபிள்யூ. சி 400 ஜி.டி. டீசர் வீடியோ வெளியிடப்பட்டது. இந்த மேக்சி ஸ்கூட்டர் விரைவில் இந்தியாவில் அறிமுகமாகிறது. இந்த ஸ்கூட்டருக்கான முன்பதிவுகள் ஏற்கனவே துவங்கி நடைபெற்று வருகிறது.

பி.எம்.டபிள்யூ. சி 400 ஜி.டி. மாடலை தொடர்ந்து பல்வேறு நிறுவனங்களும் மேக்சி ஸ்கூட்டர் மாடல்களை இந்தியாவில் அறிமுகம் செய்யலாம் என எதிர்பார்க்கப்படுகிறது. முன்னதாக யமஹா நிறுவனம் தனது ஏரோக்ஸ் 155 மேக்சி ஸ்கூட்டரை இந்தியாவில் அறிமுகம் செய்தது. 



புதிய பி.எம்.டபிள்யூ. மேக்சி ஸ்கூட்டர் ஆல்-எல்.இ.டி. ஹெட்லேம்ப், பெரிய விண்ட்-ஸ்கிரீன் கொண்டிருக்கும் என தெரிகிறது. இந்த ஸ்கூட்டர் டிரிபில் பிளாக், ஆல்பைன் வைட் மற்றும் கலிஸ்டோ கிரே மெட்டாலிக் என மூன்று நிறங்களில் கிடைக்கிறது.

பி.எம்.டபிள்யூ. சி 400 ஜி.டி. மாடலில் 350 சிசி, சிங்கில் சிலிண்டர், வாட்டர் கூல்டு பெட்ரோல் என்ஜின் வழங்கப்படுகிறது. இந்த என்ஜின் 34 பி.ஹெச்.பி. திறன், 35 நியூட்டன் மீட்டர் டார்க் இழுவிசையை வழங்குகிறது. இந்த ஸ்கூட்டர் மணிக்கு அதிகபட்சம் 140 கிலோமீட்டர் வேகத்தில் செல்லும் திறன் கொண்டுள்ளது.

Tags:    

Similar News