ஆட்டோமொபைல்
யமஹா

விரைவில் மேக்சி ஸ்கூட்டர் வெளியிடும் யமஹா

Published On 2021-09-20 06:20 GMT   |   Update On 2021-09-20 06:20 GMT
யமஹா நிறுவனத்தின் புதிய மேக்சி ஸ்கூட்டர் விரைவில் இந்தியாவில் அறிமுகமாகும் என தகவல் வெளியாகி உள்ளது.


யமஹா இந்தியா நிறுவனம் நாளை (செப்டம்பர் 21) இந்தியாவில் புதிய யமஹா ஆர்15 மாடலை அறிமுகம் செய்ய இருக்கிறது. இந்த நிலையில், மற்றொரு வாகனத்திற்கான டீசரை யமஹா இந்தியா வெளியிட்டு உள்ளது. 

இதுகுறித்து வெளியாகி இருக்கும் தகவல்களில், புதிய வாகனம் இந்தியாவில் யமஹா நிறுவனத்தின் முதல் மேக்சி ஸ்கூட்டர் மாடலாக இருக்கும் என கூறப்படுகிறது. இந்த ஸ்கூட்டரில் ஆர்15 மாடலில் உள்ளதை போன்றே 155சிசி என்ஜின் வழங்கப்படும் என கூறப்படுகிறது. 



இந்த என்ஜின் திறன் ஆர்15 மாடலை விட குறைவாக டியூனிங் செய்யப்பட்டு இருந்தாலும், இந்திய சந்தையில் இது சக்திவாய்ந்த ஸ்கூட்டராகவே இருக்கும். சர்வதேச சந்தையில் யமஹா விற்பனை செய்து வரும் மேக்சி ஸ்கூட்டர்களில் புல் எல்.இ.டி. லைட்டிங், கீலெஸ் இக்னிஷன், ஏ.பி.எஸ். போன்ற அம்சங்கள் வழங்கப்பட்டுள்ளன.

அந்த வகையில், இவற்றில் சில அம்சங்கள் புதிய ஸ்கூட்டரிலும் வழங்கப்படலாம் என எதிர்பார்க்கப்படுகிறது. யமஹா மேக்சி ஸ்கூட்டரில் எல்.இ.டி. லைட்டிங், செமி டிஜிட்டல் இன்ஸ்ட்ரூமெண்ட் கிளஸ்டர், ப்ளூடூத் கனெக்டிவிட்டி, சிங்கில் சேனல் ஏ.பி.எஸ். போன்ற அம்சங்கள் வழங்கப்படலாம்.
Tags:    

Similar News