ஆட்டோமொபைல்
ஹீரோ கிளாமர் XTEC

ஹீரோ கிளாமர் XTEC புது வேரியண்ட் இந்தியாவில் அறிமுகம்

Published On 2021-07-21 06:21 GMT   |   Update On 2021-07-21 06:21 GMT
ஹீரோ நிறுவனத்தின் புதிய கிளாமர் XTEC மோட்டார்சைக்கிள் இந்தியாவில் இரண்டு வேரியண்ட்களில் கிடைக்கிறது.


ஹீரோ மோட்டோகார்ப் நிறுவனம் கிளாமர் XTEC மோட்டார்சைக்கிளை இந்திய சந்தையில் அறிமுகம் செய்தது. புதிய கிளாமர் XTEC விலை ரூ. 78,900, எக்ஸ்-ஷோரூம் என நிர்ணயம் செய்யப்பட்டுள்ளது. இந்த மோட்டார்சைக்கிள்- டிரம் பிரேக் மற்றும் டிஸ்க் பிரேக் என இரண்டு வேரியண்ட்களில் கிடைக்கிறது. ஹீரோ கிளாமர் XTEC மாடலுக்கான முன்பதிவு துவங்கி நடைபெற்று வருகிறது.

ஹீரோ கிளாமர் XTEC டிஸ்க் பிரேக் மாடல் விலை ரூ. 83,500, எக்ஸ்-ஷோரூம் ஆகும். இந்த மோட்டார்சைக்கிள் கிளாசி பிளாக் மற்றும் மேட் ஆக்சிஸ் கிரே என இரண்டு நிறங்களில் கிடைக்கிறது. இத்துடன் மேம்பட்ட கிராபிக்ஸ், எல்.இ.டி. ஹெட்லேம்ப் யூனிட், ப்ளூடூத் கனெக்டிவிட்டி, மைக்ரோ யு.எஸ்.பி. சார்ஜர் என பல்வேறு அம்சங்கள் உள்ளன.



புதிய ஹீரோ கிளாமர் XTEC மோட்டார்சைக்கிளில் 125சிசி என்ஜின் வழங்கப்பட்டு இருக்கிறது. இந்த என்ஜின் 10.7 பி.ஹெச்.பி. பவர், 10.6 நியூட்டன் மீட்டர் டார்க் இழுவிசையை வழங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டு இருக்கிறது. சஸ்பென்ஷனிற்கு முன்புறம் 30எம்.எம். டெலிஸ்கோபிக் யூனிட், பின்புறம் 5 ஸ்டெப் ட்வின் அட்ஜஸ்ட் ஷாக் அப்சார்பர்கள் உள்ளன.

இந்த மோட்டார்சைக்கிளில் ஹீரோ மோட்டோகார்ப் நிறுவனத்தின் i3S, ஆட்டோ செயில் தொழில்நுட்பம் உள்ளிட்டவை வழங்கப்பட்டு இருக்கின்றன. புதிய கிளாமர் XTEC மாடலின் இருசக்கரங்களிலும் 18 இன்ச் அலாய் மற்றும் 100/80 டியூப்லெஸ் டையர்கள் வழங்கப்பட்டுள்ளன.

Tags:    

Similar News