ஆட்டோமொபைல்
பி.எம்.டபிள்யூ. R 1250 GS

ரூ. 20 லட்சம் பட்ஜெட்டில் புது பி.எம்.டபிள்யூ. பைக் அறிமுகம்

Published On 2021-07-09 06:17 GMT   |   Update On 2021-07-09 13:42 GMT
பி.எம்.டபிள்யூ. நிறுவனத்தின் பி.எஸ். 6 ரக R 1250 GS மோட்டார்சைக்கிள் இந்திய சந்தையில் அறிமுகம் செய்யப்பட்டது.


பி.எம்.டபிள்யூ. மோட்டராட் நிறுவனம் இந்திய சந்தையில் பி.எஸ்.6 புகை விதிகளுக்கு பொருந்தும் பி.எம்.டபிள்யூ. R 1250 GS மோட்டார்சைக்கிளை அறிமுகம் செய்தது. புதிய பிளாக்ஷிப் அட்வென்ச்சர் டூரர் மாடல் இரண்டு வேரியண்ட்களில் கிடைக்கிறது.

விலை விவரம்:

பி.எம்.டபிள்யூ. R 1250 GS ப்ரோ ரூ. 20,45,000

பி.எம்.டபிள்யூ. R 1250 GS அட்வென்ச்சர் ப்ரோ ரூ. 22,40,000



புதிய பி.எம்.டபிள்யூ. மோட்டார்சைக்கிள் மாடல்கள் சி.பி.யு. (Completely Built-up Units) முறையில் முழுமையாக உருவாக்கப்பட்டு இந்தியா கொண்டுவரப்படுகின்றன. பி.எஸ். 6 ரக R 1250 GS மாடலில் 1254சிசி, ஏர்/லிக்விட் கூல்டு, பிளாட்-ட்வின் மோட்டார் வழங்கப்பட்டு இருக்கிறது. இந்த என்ஜின் 134 பி.ஹெச்.பி. பவர், 143 நியூட்டன் மீட்டர் டார்க் இழுவிசையை வழங்குகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.

அம்சங்களை பொருத்தவரை பி.எம்.டபிள்யூ. R 1250 GS மாடலில் அசிமெட்ரிக் ஹெட்லைட், அட்ஜஸ்ட் செய்யக்கூடிய விண்ட்-ஸ்கிரீன், எல்.இ.டி. லைட்டிங், அடாப்டிவ் ஹெட்லைட், ப்ளூடூத் சார்ந்து இயங்கும் TFT கலர் டிஸ்ப்ளே, டிராக்ஷன் கண்ட்ரோல், யு.எஸ்.பி. சார்ஜிங் போன்றவை வழங்கப்பட்டு இருக்கிறது.
Tags:    

Similar News