ஆட்டோமொபைல்
ஹோண்டா ஹைனெஸ் சிபி350

ஹோண்டா ஹைனெஸ் சிபி350 விலையில் மீண்டும் மாற்றம்

Published On 2021-05-08 09:05 GMT   |   Update On 2021-05-08 09:05 GMT
ஹோண்டா நிறுவனம் தனது ஹைனெஸ் சிபி350 மோட்டார்சைக்கிள் விலையை இந்தியாவில் உயர்த்தி இருக்கிறது.


ஹோண்டா பிங் விங் இந்தியா நிறுவனம் ஹைனெஸ் சிபி350 மாடல் விலையை உயர்த்தி இருக்கிறது. இந்த ஆண்டு துவக்கம் முதல் இந்த மாடலின் விலை இரண்டாவது முறையாக உயர்த்தப்பட்டு இருக்கிறது. அறிமுகம் செய்யப்பட்ட போது ஹோண்டா ஹைனெஸ் சிபி350 விலை ரூ. 1.85 லட்சம் என நிர்ணயம் செய்யப்பட்டு இருந்தது.



இந்திய சந்தையில் ஹோண்டா ஹைனெஸ் சிபி350 மாடல் DLX மற்றும் DLX ப்ரோ என இரண்டு வேரியண்ட்களில் கிடைக்கிறது. புதிய விலை உயர்வில் ஹைனெஸ் சிபி350 ரூ. 4 ஆயிரம் அதிகமாகி இருக்கிறது. விலை உயர்வின் படி ஹோண்டா ஹைனெஸ் சிபி350 துவக்க விலை ரூ. 1.90 லட்சம் என மாறி இருக்கிறது. இதன் டாப் எண்ட் மாடல் விலை ரூ. 1.96 லட்சம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ஹோண்டா ஹைனெஸ் சிபி350 மாடலில் 348சிசி, சிங்கிள் சிலிண்டர், ஏர் கூல்டு என்ஜின் வழங்கப்பட்டு உள்ளது. இத்துடன் 5 ஸ்பீடு கியர்பாக்ஸ் ஸ்லிப்பர் கிளட்ச் வழங்கப்பட்டு இருக்கிறது. இந்த என்ஜின் 20.78 பிஹெச்பி பவர், 30 என்எம் டார்க் செயல்திறன் வழங்குகிறது.
Tags:    

Similar News