இரு புதிய நகரங்களில் வினியோகம் செய்யப்படும் ஏத்தர் எலெக்ட்ரிக் ஸ்கூட்டர்

ஏத்தர் எனர்ஜி நிறுவனம் தனது 450எக்ஸ் மற்றும் 450 பிளஸ் எலெக்ட்ரிக் ஸ்கூட்டர் மாடல்களை கோயம்புத்தூர் மற்றும் திருச்சி ஆகிய நகரங்களில் வினியோகம் செய்யப்படுகிறது. இரு ஸ்கூட்டர் மாடல்களின் விலை முறையே ரூ. 1.60 லட்சம் மற்றும் ரூ. 1.41 லட்சம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

தற்போது ஏத்தர் எலெக்ட்ரிக் ஸ்கூட்டர்கள் தமிழகத்தின் மூன்று நகரங்களில் விற்பனை செய்யப்படுகிறது. இரு புதிய நகரங்களில் வாடிக்கையாளர்கள் ஏத்தர் ஸ்கூட்டரை டெஸ்ட் ரைட் செய்யவும், வாகனத்தின் அம்சங்கள் குறித்து சம்மந்தப்பட்ட விற்பனை மையங்களில் மேற்கொள்ளலாம்.

இதுதவிர ஏத்தர் ஸ்பேஸ் எக்ஸ்பீரியன்ஸ் மையங்களை இரு நகரங்களில் திறக்க இருக்கிறது. வரும் வாரங்களில் இவை திறக்கப்படலாம் என எதிர்பார்க்கப்படுகிறது. விற்பனை மட்டுமின்றி இரு நகரங்களில் ஏத்தர் க்ரிட் பாஸ்ட் சார்ஜிங் மையங்களை கட்டமைக்கிறது.

தற்போது ஏத்தர் எனர்ஜி நிறுவனம் கோயம்புத்தூரில் 5 பாஸ்ட் சார்ஜிங் மையங்களையும், திருச்சியில் இரண்டு பாஸ்ட் சார்ஜிங் மையங்களை திறந்துள்ளது.