பஜாஜ் பிளாட்டினா மற்றும் சிடி சீரிஸ் மாடல்கள் விலை மீண்டும் உயர்வு

பஜாஜ் ஆட்டோ நிறுவனத்தின் பளாட்டினா மற்றும் சிடி100 மாடல்கள் விலை இந்திய சந்தையில் மீண்டும் உயர்த்தப்பட்டது. அதன்படி இந்த மாடல்கள் விலை ரூ. 750-இல் துவங்கி ரூ. 1700 வரை உயர்ந்து இருக்கிறது.

என்ட்ரி லெவல் சிடி100 மாடல் விலை ரூ. 1498 உயர்த்தப்பட்டு தற்போது இதன் விலை ரூ. 49,152 எக்ஸ்-ஷோரூம் என மாறி இருக்கிறது. 

பஜாஜ் சிடி100 பிஎஸ்6 மாடலில் ஏர்-கூல்டு, சிங்கில் சிலிண்டர், பியூவல் இன்ஜெக்ட் செய்யப்பட்ட 102சிசி என்ஜின் வழங்கப்பட்டு உள்ளது. இது 7.5 பிஹெச்பி பவர், 8.34 என்எம் டார்க் செயல்திறன் வழங்குகிறது. இத்துடன் 4 ஸ்பீடு கியர்பாக்ஸ் வழங்கப்படுகிறது.

சிடி110 அலாய் மற்றும் அலாய் எக்ஸ் என இரண்டு வேரியண்ட்களில் கிடைக்கிறது. பஜாஜ் சிடி110 அலாய் மற்றும் அலாய் எக்ஸ் மாடல் விலை முறையே ரூ. 1696 மற்றும் ரூ. 1356 உயர்த்தப்பட்டுள்ளது. அந்த வகையில் இவற்றின் புதிய விலை முறையே ரூ. 53,498 மற்றும் ரூ. 55,494 என மாறி இருக்கிறது. 

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. பஜாஜ் சிடி110 மாடலில் 115.4சிசி, ஏர் கூல்டு, சிங்கில் சிலிண்டர் என்ஜின் வழங்கப்படுகிறது. இது 8.4 பிஹெச்பி பவர், 9.81 என்எம் டார்க் செயல்திறன் வழங்குகிறது. இத்துடன் 4 ஸ்பீடு கியர்பாக்ஸ் வழங்கப்படுகிறது.