ஆட்டோமொபைல்
டிரையம்ப் டிரைடென்ட் 660

ரூ. 6.95 லட்சம் விலையில் புதிய டிரையம்ப் மோட்டார்சைக்கிள் இந்தியாவில் அறிமுகம்

Published On 2021-04-07 06:03 GMT   |   Update On 2021-04-07 06:03 GMT
டிரையம்ப் நிறுவனம் ஏற்கனவே அறிவித்தப்படி இந்திய சந்தையில் புதிய டிரைடென்ட் 660 மாடலை அறிமுகம் செய்தது.


டிரையம்ப் மோட்டார்சைக்கிள்ஸ் நிறுவனம் இந்தியாவில் டிரைடென்ட் 660 மோட்டார்சைக்கிளை அறிமுகம் செய்தது. இதன் விலை ரூ. 6.95 லட்சம், எக்ஸ்-ஷோரூம் ஆகும். புதிய டிரைடென்ட் 660 மாடலுக்கான முன்பதிவு ஏற்கனவே துவங்கிவிட்டது. வினியோகம் இம்மாத இறுதியில் துவங்கும் என தெரிகிறது.

டிரைடென்ட் 660 மாடலில் ப்ளூடூத் மாட்யூல் வசதியுடன் கூடிய டிஎப்டி ஸ்கிரீன் வழங்கப்படுகிறது. இது ஸ்மார்ட்போனுடன் இணைந்து கொண்டு செயல்படும். மேலும் கூடுதல் தொகைக்கு கோப்ரோ கேமரா கண்ட்ரோல் செய்வதற்கான வசதியும் இந்த மாடலுடன் வழங்கப்படுகிறது. 



புதிய டிரையம்ப் டிரைடென்ட் 660 மோட்டார்சைக்கிளில் 660 சிசி இன்-லைன் மூன்று சிலிண்டர் என்ஜின் வழங்கப்படுகிறது. இது 80 பிஹெச்பி பவர், 64 என்எம் டார்க் செயல்திறன் வழங்குகிறது. இந்த மோட்டார்சைக்கிள் ரோட் மற்றும் ரெயின் என இருவித ரைடிங் மோட்களை கொண்டுள்ளது.

இத்துடன் ஏபிஎஸ், டிராக்ஷன் கண்ட்ரோல் மற்றும் எல்இடி லைட்டிங் செய்யப்பட்டு உள்ளது. மேலும் இதில் டிஎப்டி டிஸ்ப்ளே, ஆப்ஷனல் மை டிரையம்ப் கனெக்டிவிட்டி சிஸ்டம் வழங்கப்படுகிறது.
Tags:    

Similar News