ஆட்டோமொபைல்
புது எலெக்ட்ரிக் பைக் டீசரை வெளியிட்ட ஒகினாவா
ஒகினாவா நிறுவனத்தின் புதிய ஒகி100 எலெக்ட்ரிக் பைக் டீசர் வெளியிடப்பட்டு இருக்கிறது. இதன் விவரங்களை பார்ப்போம்.
ஒகினாவா ஆட்டோடெக் நிறுவனம் தனது முதல் எலெக்டிர்க் மோட்டார்சைக்கிள் மாடலுக்கான டீசரை வெளியிட்டு இருக்கிறது. டீசரின் படி புது மோட்டார்சைக்கிள் ஒகி100 எனும் பெயரில் அறிமுகமாகும் என தெரியவந்துள்ளது. மேலும் இது விரைவில் அறிமுகமாகிறது.
முன்னதாக இந்த நிறுவனம் தனது எலெக்ட்ரிக் மோட்டார்சைக்கிள் மாடலுக்கான ப்ரோடோடைப் வெர்ஷனை 2018 ஆட்டோ எக்ஸ்போ விழாவில் அறிமுகம் செய்தது. பின் கடந்த ஆண்டு பண்டிகை காலக்கட்டத்தில் இந்த மாடலை அறிமுகம் செய்ய ஒகினாவா திட்டமிட்டது. எனினும், இது நடைபெறவில்லை. தற்சமயம் இந்த மாடலை விரைவில் வெளியிட இருக்கிறது.
புதிய ஒகினாவா ஒகி100 எலெக்ட்ரிக் பைக் விலை ரூ. 1 லட்சம், எக்ஸ்-ஷோரூம் வரை நிர்ணயம் செய்யப்படலாம் என தெரிகிறது. இது ரெவோல்ட் ஆர்வி400 மாடலுக்கு போட்டியாக அமைகிறது. இந்த மாடல் முழுக்க இந்தியாவிலேயே உற்பத்தி செய்யப்படும் என ஒகினாவா தெரிவித்து உள்ளது. இதற்கான பாகங்கள் 100 சதவீதம் உள்நாட்டில் இருந்து பயன்படுத்தப்படுகிறது.
ஒகினாவா ஒகி100 மாடல் மணிக்கு அதிகபட்சம் 100 கிலோமீட்டர் வேகத்தில் செல்லும் திறன் கொண்டிருக்கும் என தெரிகிறது. இந்த மாடலில் முழுக்க எல்இடி லைட்டிங் கொண்டிருக்கும். இத்துடன் டிஜிட்டல் இன்ஸ்ட்ரூமென்ட் டிஸ்ப்ளே, டெலிஸ்கோபிக் போர்க், மோனோஷாக் சஸ்பென்ஷன், இருபுறங்களிலும் டிஸ்க் பிரேக் வழங்கப்படலாம்.