ஆட்டோமொபைல்
பஜாஜ் டாமினர் 400 விலையில் திடீர் மாற்றம்
பஜாஜ் ஆட்டோ நிறுவனத்தின் புதிய டாமினர் 400 மோட்டார்சைக்கிள் விலையில் திடீர் மாற்றம் செய்யப்படுகிறது.
பஜாஜ் ஆட்டோ நிறுவனத்தின் பிளாக்ஷிப் டாமினர் 400 மோட்டார்சைக்கிள் விலை இந்திய சந்தையில் உயர்த்தப்பட்டு இருக்கிறது. அதன்படி இதன் விலை ரூ. 1997 உயர்த்தப்பட்டு தற்சமயம் ரூ. 1,99,755 எக்ஸ்-ஷோரூம் என மாறி இருக்கிறது.
பஜாஜ் டாமினர் 400 மோட்டார்சைக்கிளில் 373.27சிசி, சிங்கில் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 39.42 பிஹெச்பி பவர், 35 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் மற்றும் ஸ்லிப்பர் கிளட்ச் வழங்கப்படுகிறது.
மேலும் 17 இன்ச் அலாய் வீல்கள், முன்புறம் அப்சைடு டவுன் போர்க், மல்டி-ஸ்டெப் அட்ஜஸ்ட் செய்யக்கூடிய மோனோஷாக் சஸ்பென்ஷன் யூனிட் வழங்கப்பட்டு இருக்கிறது. இதன் முன்புறம் 320 எம்எம் டிஸ்க், பின்புறம் 230 எம்எம் டிஸ்க் பிரேக் வழங்கப்பட்டு உள்ளது.
இந்த மோட்டார்சைக்கிளில் முழுக்க எல்இடி லைட்டிங் செய்யப்பட்டு இருக்கிறது. இத்துடன் டிஜிட்ல் இன்ஸ்ட்ரூமென்ட் கிளஸ்டர், டூயல்-பேரெல் எக்சாஸ்ட் மற்றும் பிளாக், கிரீன் என இருவித நிறங்களில் கிடைக்கிறது.