குறைந்த விலையில் டிவிஎஸ் ஜூப்பிட்டர் புது வேரியண்ட் அறிமுகம்

டிவிஎஸ் மோட்டார் கம்பெனி நிறுவனம் இந்தியாவில் தனது ஜூப்பிட்டர் ஸ்கூட்டரின் புது வேரியண்ட்டை அறிமுகம் செய்து உள்ளது. இந்த ஸ்கூட்டர் ஷீட் மெட்டல் வீல் வேரியண்ட் என அழைக்கப்படுகிறது. இதன் விலை ரூ. 63,497 என நிர்ணயம் செய்யப்பட்டு உள்ளது.

புதிய வேரியண்ட் இதுவரை வெளியாகி இருக்கும் டிவிஎஸ் ஜூப்பிட்டர் மாடல்களை விட குறைந்த விலையில் அறிமுகமாகி இருக்கிறது. மேலும் புது வேரியண்ட் தவிர சந்தையில் விற்பனையாகும் ஜூப்பிட்டர் மாடல்கள் விலை ரூ. 1645 முதல் ரூ. 2770 வரை உயர்த்தப்பட்டு உள்ளது.

டிவிஎஸ் ஜூப்பிட்டர் புது வேரியண்ட் 109.7 சிசி, ஏர் கூல்டு என்ஜின் கொண்டிருக்கிறது. இத்துடன் சிவிடி டிரான்ஸ்மிஷன் வழங்கப்படுகிறது. இந்த என்ஜின் 7.3 பிஹெச்பி பவர், 8.4 என்எம் டார்க் செயல்திறன் வழங்குகிறது. இந்த ஸ்கூட்டர் 6 லிட்டர் பியூவல் டேன்க் கொண்டிருக்கிறது.

சஸ்பென்ஷனிற்கு முன்புறம் டெலிஸ்கோபிக் போர்க், பின்புறம் மோனோஷாக் யூனிட் வழங்கப்பட்டு இருக்கிறது. இதுதவிர இருபுறங்களில் டிரம் பிரேக் மற்றும் முன்புறம் டிஸ்க் பிரேக் ஆப்ஷனும் வழங்கப்படுகிறது.