டிவிஎஸ் மாடலுக்கு அசத்தல் சலுகை அறிவிப்பு

டிவிஎஸ் மோட்டார் கம்பெனி நிறுவனம் தனது ரேடியான் மோட்டார்சைக்கிள் மாடலுக்கு பண்டிகை கால சலுகைகளை அறிவித்து இருக்கிறது. அந்த வகையில் என்ட்ரி-லெவல் மோட்டார்சைக்கிளை அசத்தலான நிதி சலுகை மற்றும் மாத தவணையில் பெற முடியும்.

அதன்படி டிவிஎஸ் ரேடியான் மாடலை ரூ. 1999 எனும் மாத தவணையில் 6.99 வட்டியுடன் வழங்கப்படுகிறது. இந்த மோட்டார்சைக்கிளுக்கு ரூ. 14,999 முன்பணத்தில் வாங்கிட முடியும். மேலும் இதற்கென ரூ. 5ஆயிரம் கேஷ்பேக் வழங்கப்படுகிறது.

டிவிஎஸ் ரேடியான் மாடலில் 109.7சிசி, ஏர் கூல்டு என்ஜின் வழங்கப்படுகிறது. இந்த என்ஜின் 8.08 பிஹெச்பி பவர், 8.7 என்எம் டார்க் செயல்திறன் வழங்குகிறது. இந்தியாவில் இதன் விலை ரூ. 60,442 மற்றும் ரூ. 66,442 என நிர்ணயம் செய்யப்பட்டுள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.