ஆட்டோமொபைல்
ஹீரோ கிளாமர் பிளேஸ் எடிஷன்

ஹீரோ கிளாமர் ஸ்பெஷல் எடிஷன் இந்தியாவில் அறிமுகம்

Published On 2020-10-13 05:48 GMT   |   Update On 2020-10-13 05:48 GMT
ஹீரோ மோட்டோகார்ப் நிறுவனம் இந்தியாவில் தனது கிளாமர் ஸ்பெஷல் எடிஷனை அறிமுகம் செய்து இருக்கிறது.


ஹீரோ மோட்டோகார்ப் நிறுவனம் தனது கிளாமர் மோட்டார்சைக்கிளின் ஸ்பெஷல் எடிஷனை இந்திய சந்தையில் அறிமுகம் செய்தது. இது கிளாமர் பிளேஸ் எடிஷன் எனும் பெயர் கொண்டுள்ளது. இதன் விலை ரூ. 72 ஆயிரம், எக்ஸ்-ஷோரூம் என நிர்ணயம் செய்யப்பட்டு இருக்கிறது.

இது என்ட்ரி லெவல் டிரம் பிரேக் மற்றும் டாப் எண்ட் முன்புற டிஸ்க் மாடல்களின் இடையில் நிலைநிறுத்தப்பட்டு உள்ளது. கிளாமர் பிளேஸ் எடிஷன் மேட் வெர்னியர் கிரே நிறத்தில் எல்லோ கிராபிக்ஸ் கொண்டிருக்கிறது. பிரத்யேக நிறம் தவிர, ஹேண்டில் பாரில் யுஎஸ்பி சார்ஜர் மவுண்ட் செய்யப்பட்டு உள்ளது.

ஹீரோ கிளாமர் மாடலில் 124.7சிசி ஏர் கூல்டு, பியூயல் இன்ஜெக்ட் செய்யப்பட்ட என்ஜின் வழங்கப்பட்டு இருக்கிறது. இது 10.72 பிஹெச்பி பவர், 10.6 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டு உள்ளது.



புதிய பிளேஸ் நிறம் மட்டுமின்றி, இந்த மோட்டார்சைக்கிள் ஸ்போர்ட்ஸ் ரெட், டொர்னாடோ கிரே, டெக்னோ புளூ மற்றும் ரேடியண்ட் ரெட் நிறங்களிலும் கிடைக்கிறது. 

இந்திய சந்தையில் 125சிசி பிரிவில் ஹீரோ கிளாமர் மாடல் ஹோண்டா ஷைன், ஹோண்டா எஸ்பி 125 மற்றும் பஜாஜ் பல்சர் 125 போன்ற மாடல்களுக்கு போட்டியாக அமைகிறது. 
Tags:    

Similar News