ஆட்டோமொபைல்
கேடிஎம் 250 அட்வென்ச்சர்

கேடிஎம் 250 அட்வென்ச்சர் மாடல் இந்திய வெளியீட்டு விவரம்

Published On 2020-10-10 07:21 GMT   |   Update On 2020-10-10 07:21 GMT
கேடிஎம் நிறுவனத்தின் புதிய 250 அட்வென்ச்சர் மாடல் இந்திய வெளியீட்டு விவரங்களை தொடர்ந்து பார்ப்போம்.


கேடிஎம் நிறுவனம் 390 அட்வென்ச்சர் மாடலை கடந்த ஆண்டு டிசம்பர் மாதம் இந்திய சந்தையில் அறிமுகம் செய்தது. இது கடந்த ஆண்டின் பெரும் அறிமுகமாக அமைந்தது. இதைத் தொடர்ந்து இந்தோனேசிய சந்தையில் கேடிஎம் 250 அட்வென்ச்சர் மாடலை அறிமுகம் செய்தது. 

பின் ஆகஸ்ட் மாத வாக்கில் இந்த மோட்டார்சைக்கிள் இந்திய சாலைகளில் சோதனை செய்யப்படும் தகவல் இணையத்தில் வெளியானது. அந்த வகையில், இதன் இந்திய வெளியீடு உறுதி செய்யப்பட்டது. 



இந்நிலையில், தற்சமயம் வெளியாகி இருக்கும் தகவல்களின் படி கேடிஎம் 250 அட்வென்ச்சர் மாடல் அடுத்த வாரம் அறிமுகம் செய்யப்பட இருப்பதாக கூறப்படுகிறது. இந்தியாவில் இதன் விலை ரூ. 2.5 முதல் ரூ. 2.6 லட்சம், எக்ஸ்-ஷோரூம் வரை நிர்ணயம் செய்யப்படலாம் என தெரிகிறது.

விலை விவரங்கள் உண்மையாகும் பட்சத்தில் இது கேடிஎம் 390 அட்வென்ச்சர் மாடலை விட ரூ. 40 ஆயிரம் முதல் ரூ. 50 ஆயிரம் வரை குறைவாகும். 
Tags:    

Similar News