ஆட்டோமொபைல்
ஹோண்டா ஹைனெஸ் சிபி 350

ஹோண்டா ஹைனெஸ் இந்திய விலை அறிவிப்பு

Published On 2020-10-09 09:25 GMT   |   Update On 2020-10-09 09:25 GMT
ஹோண்டா நிறுவனத்தின் புதிய ஹைனெஸ் சிபி 350 மாடலின் இந்திய விலை அறிவிக்கப்பட்டு இருக்கிறது.


ஹோண்டா நிறுவனம் இந்தியாவில் ஹைனெஸ் சிபி 350 மோட்டார்சைக்கிளை கடந்த மாதம் அறிமுகம் செய்தது. எனினும், இதன் விலை அறிவிக்கப்படாமல் இருந்தது. 

இந்திய சந்தையில் ஹைனெஸ் சிபி 350 டிஎல்எக்ஸ் மற்றும் டிஎல்எக்ஸ் ப்ரோ என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 1.85 லட்சம் மற்றும் ரூ. 1.90 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.



புதிய மோட்டார்சைக்கிள் முன்பதிவு துவங்கி ஹோண்டா பிங் விங் விற்பனையகங்களில் நடைபெறுகிறது. முன்பதிவு கட்டணம் ரூ. 5 ஆயிரம் என நிர்ணயம் செய்யப்பட்டு உள்ளது. 

ஹோண்டா ஹைனெஸ் 350 மாடலில் 348.36சிசி, சிங்கிள் சிலிண்டர், ஏர் கூல்டு என்ஜின் வழங்கப்பட்டு உள்ளது. இத்துடன் 5 ஸ்பீடு கியர்பாக்ஸ் ஸ்லிப்பர் கிளட்ச் வழங்கப்பட்டு இருக்கிறது. இந்த என்ஜின் 20.5 பிஹெச்பி பவர், 30 என்எம் டார்க் செயல்திறன் வழங்குகிறது.
Tags:    

Similar News