ஆட்டோமொபைல்
ராயல் என்ஃபீல்டு இன்டர்செப்டார் 650

புதிய ராயல் என்ஃபீல்டு மாடல்களில் அந்த வசதி வழங்கப்பட இருப்பதாக தகவல்

Published On 2020-05-11 05:44 GMT   |   Update On 2020-05-11 05:44 GMT
ராயல் என்ஃபீல்டு நிறுவனத்தின் புதிய மோட்டார்சைக்கிள் மாடல்களில் அந்த வசதி வழங்கப்பட இருப்பதாக தகவல் வெளியாகியுள்ளது.



ராயல் என்ஃபீல்டு நிறுவனம் புதிய மோட்டார்சைக்கிள் மாடல்களை உருவாக்கும் பணிகளில் ஈடுபட்டு வருகிறது. இந்த தகவலினை ராயல் என்ஃபீல்டு நிறுவனத்தின் சைமன் வார்புர்டன் தெரிவித்திருந்தார். அந்த வரிசையில் தற்சமயம் ரோட்ஸ்டர், ஷெர்பா மற்றும் ஹண்ட்டர் உள்ளிட்ட மாடல்கள் உருவாக்கப்படுகின்றன.

எனினும், ராயல் என்ஃபீல்டு நிறுவனம் Meteor 350 எனும் மாடலை அடுத்ததாக வெளியிட இருக்கிறது. இது ராயல் எஃபீல்டு தண்டர்பேர்டு 350 எக்ஸ் மாடலுக்கு மாற்றாக அறிமுகம் செய்யப்படுகிறது. புதிய Meteor 350 இந்திய சந்தை மட்டுமின்றி சர்வதேச சந்தைக்கு ஏற்ற வகையில் உருவாக்கப்பட்டிருக்கும் என கூறப்படுகிறது.

புதிய மாடல்கள் தவிர ராயல் என்ஃபீல்டு நிறுவனம் தனது மோட்டார்சைக்கிள் மாடல்களில் கனெக்ட்டெட் தொழில்நுட்பத்தை வழங்க இருப்பதாக தகவல் வெளியாகியுள்ளது. அந்த வரிசையில் ராயல் என்ஃபீல்டு எதிர்கால மாடல்களில் ப்ளூடூத் கனெக்டிவிட்டி சிஸ்டம் மற்றும் நேவிகேஷன் தொழில்நுட்பம் வழங்கப்படலாம் என தெரிகிறது.



இந்த அம்சம் ராயல் என்ஃபீல்டு நிறுவனத்தின் இரண்டு அல்லது மூன்று மாடல்களில் நிச்சயம் வழங்கப்படலாம் என கூறப்படுகிறது. வாடிக்கையாளர்கள் வழங்கிய கருத்துக்களின் அடிப்படையில் புதிய தொழில்நுட்பங்கள் அறிமுகம் செய்யப்படுவதாக கூறப்படுகிறது. 

ஏற்கனவே டிவிஎஸ் மோட்டார்ஸ் மற்றும் ஹீரோ மோட்டோகார்ப் போன்ற முன்னணி நிறுவனங்கள் தங்களது வாகனங்களில் இதேபோன்ற தொழில்நுட்பத்தை வழங்கி வருகின்றன. அந்த வரிசையில் தற்சமயம் ராயல் என்ஃபீல்டு நிறுவனமும் புதிய தொழில்நுட்பத்தை வழங்க முடிவு செய்துள்ளதாக தெரிகிறது.
Tags:    

Similar News