ஆட்டோமொபைல்
டிவிஎஸ் மூலம் இந்தியா வரும் நார்டன் மோட்டார்சைக்கிள்
நார்டன் மோட்டார்சைக்கிள் நிறுவன வாகனங்களை இந்தியாவில் அறிமுகம் செய்ய டிவிஎஸ் மோட்டார்ஸ் திட்டமிட்டுள்ளது.
இருசக்கர வாகன உற்பத்தியில் முன்னணியில் திகழும் தமிழக நிறுவனமான டிவிஎஸ் மோட்டார்ஸ் நிறுவனம் சமீபத்தில் இங்கிலாந்தைச் சேர்ந்த நார்டன் மோட்டார்சைக்கிள் நிறுவனத்தை வாங்கியது.
122 ஆண்டுகள் பழமையான இந்நிறுவனத்தை வாங்கியதன் மூலம் இந்நிறுவனத் தயாரிப்புகளை இந்தியாவில் விற்பனை செய்ய டிவிஎஸ் முடிவு செய்துள்ளது. நார்டன் நிறுவன தயாரிப்புகளுக்கு 21 நாடுகளில் 76 விற்பனை நிலையங்கள் உள்ளன.
சர்வதேச அளவில் பாரம்பரியமிக்க பிராண்டாகத் திகழும் நார்டன் மோட்டார்சைக்கிள் நிறுவன தயாரிப்புகளில் கமாண்டோ, டோமினேட்டர், வி 4ஆர்ஆர் ஆகிய மாடல்கள் மிகவும் பிரபலமானவை.
இவை அனைத்தையும் இந்தியாவில் அறிமுகம் செய்வதோடு, இத்தயாரிப்புகளுக்கு அதிக வரவேற்பு உள்ள அமெரிக்கா, ஆஸ்திரேலியா, மலேசியா, தாய்லாந்து ஆகிய நாடுகளில் பிரபலப்படுத்தவும் டிவிஎஸ் நிறுவனம் முடிவு செய்துள்ளது.