ஆட்டோமொபைல்
ராயல் என்ஃபீல்டு புல்லட் 350 பி.எஸ்.6

இந்தியாவில் ராயல் என்ஃபீல்டு புல்லட் 350 பி.எஸ்.6 அறிமுகம்

Published On 2020-04-02 10:15 GMT   |   Update On 2020-04-02 10:15 GMT
ராயல் என்ஃபீல்டு நிறுவனம் இந்திய சந்தையில் புதிய புல்லட் 350 பி.எஸ்.6 மாடலை அறிமுகம் செய்துள்ளது. இதன் விவரங்களை பார்ப்போம்.



சென்னையை சேர்ந்த மோட்டார்சைக்கிள் நிறுவனமான ராயல் என்ஃபீல்டு இந்தியாவில் பி.எஸ்.6 புல்லட் 350 சிசி மோட்டார்சைக்கிளை அறிமுகம் செய்துள்ளது. இந்தியாவில் இதன் துவக்க விலை ரூ. 1.22 லட்சம், எக்ஸ் ஷோரூம் என நிர்ணயம் செய்யப்பட்டுள்ளது.

புதிய மாடலில் பி.எஸ்.6 ரக 346 சிசி ஏர் கூல்டு என்ஜின் வழங்கப்பட்டுள்ளது. இந்த என்ஜின் 19 பி.ஹெச்.பி. பவர், 28 என்.எம். டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டுள்ளது. புதிய என்ஜின் தவிர இந்த மாடலில் எவ்வித மாற்றமும் மேற்கொள்ளப்படவில்லை.

அந்த வகையில் இந்த மோட்டார்சைக்கிளில் 35 எம்.எம். டெலிஸ்கோபிக் ஃபோர்க், டூயல் ஷாக் அப்சார்பர் வழங்கப்பட்டுள்ளது. பிரேக்கிங்கிற்கு முன்புறம் 280 எம்.எம். டிஸ்க் பிரேக், பின்புறம் 153 எம்.எம். டிஸ்க் பிரேக் வழங்கப்பட்டுள்ளது. 



புதிய பி.எஸ்.6 மாடல் பேஸ் வேரியண்ட் புல்லட் சில்வர், ஆனிக்ஸ் பிளாக் என இரண்டு நிறங்களில் கிடைக்கிறது. இதன் ஸ்டான்டர்டு மாடல் பிளாக் மற்றும் ஃபாரஸ்ட் கிரீன் நிறங்களிலும் பிரீமியம் புல்லட் எக்ஸ் 350 இ.எஸ். மாடல் ஜெட் பிளாக், ரீகல் ரெட் மற்றும் ராயல் புளு உள்ளிட்ட நிறங்களில் கிடைக்கிறது.

ராயல் என்ஃபீல்டு பி.எஸ்.6 புல்லட் 350 மாடல்களின் துவக்க விலை ரூ. 1.22 லட்சம் என்றும் டாப் எண்ட் மாடல் விலை ரூ. 1.38 லட்சம் என நிர்ணயம் செய்யப்பட்டுள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது. இதன் விநியோகம் கொரோனா வைரஸ் பாதிப்பு சீரானதும் துவங்கும் என தெரிகிறது. 
Tags:    

Similar News