2020 சுசுகி இன்ட்ரூடர் பி.எஸ்.6 இந்தியாவில் அறிமுகம்

சுசுகி மோட்டார்சைக்கிள் இந்தியா நிறுவனம் இன்ட்ரூடர் குரூயிசர் மோட்டார்சைக்கிளின் பி.எஸ்.6 வெர்ஷனை இந்திய சந்தையில் அறிமுகம் செய்துள்ளது. இந்தியாவில் இதன் விலை ரூ. 1.20 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. 

முன்னதாக ஜிக்சர் மற்றும் ஜிக்சர் எஸ்.எஃப். மோட்டார்சைக்கிள்களின் பி.எஸ்.6 வெர்ஷன்களை சுசுகி மோட்டார்சைக்கிள் நிறுவனம் அறிமுகம் செய்தது. இதுதவிர அக்சஸ் 125 மற்றும் பர்க்மேன் ஸ்டிரீட் உள்ளிட்ட மாடல்களின் பி.எஸ்.6 வெர்ஷன்களை சுசுகி அறிமுகம் செய்துள்ளது.

புதிய பி.எஸ்.6 சுசுகி இன்ட்ரூடர் மோட்டார்சைக்கிளில் 154.9சிசி, அலுமினியம் 4 ஸ்டிரோக், சிங்கிள் சிலிண்டர் என்ஜின் வழங்கப்பட்டுள்ளது. இது 13 பி.ஹெச்.பி. @8000 ஆர்.பி.எ.ம் மற்றும் 13.8 என்.எம். @6000 ஆர்.பி.எம். செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டுள்ளது.

இன்ட்ரூடர் பி.எஸ்.6 மாடலில் சுசுகி இகோ பெர்ஃபார்மனஅஸ் மற்றும் ஃபியூயல் இன்ஜெக்‌ஷன் தொழில்நுட்பம் வழங்கப்பட்டுள்ளது. இது அதிக மைலேஜ் வழங்குகிறது. இதுதவிர மோட்டார்சைக்கிள் தோற்றத்தில் எவ்வித மாற்றங்களும் மேற்கொள்ளப்படவில்லை.