ஆட்டோமொபைல்
பஜாஜ் செட்டாக்

பஜாஜ் செட்டாக் எலெக்ட்ரிக் ஸ்கூட்டர் விநியோகம் துவங்கியது

Published On 2020-03-13 09:23 GMT   |   Update On 2020-03-13 09:23 GMT
இந்தியாவில் பஜாஜ் ஆட்டோ நிறுவனத்தின் செட்டாக் எலெக்ட்ரிக் ஸ்கூட்டர் விநியோகம் துவங்கி இருக்கிறது.



பஜாஜ் ஆட்டோ நிறுவனம் தனது செட்டாக் எலெக்ட்ரிக் ஸ்கூட்டர்களின் முதற்கட்ட விநியோகத்தை துவங்கி இருக்கிறது. முதற்கட்ட மாடல்கள் பூனே மற்றும் பெங்களூருவுக்கு அனுப்பப்பட்டு இருக்கிறது. 

புதிய செட்டாக் எலெக்ட்ரிக் ஸ்கூட்டர் அர்பனைட் வேரியண்ட் துவக்க விலை ரூ. 1 லட்சம் என்றும் பிரீமியம் வேரியண்ட் விலை ரூ. 1.15 லட்சம் என நிர்ணயம் செய்யப்பட்டுள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டுள்ளன.

செட்டாக் எலெக்ட்ரிக் ஸ்கூட்டரில் டிஜிட்டல் ப்ளூடூத் இன்ஸ்ட்ரூமென்ட் கிளஸ்டர் வழங்கப்பட்டுள்ளது. இந்த ஸ்கூட்டரில் ஒற்றை இருக்கை அமைப்பு இருவர் அமரும் வகையில் வழங்கப்பட்டுள்ளது. அர்பனைட் செட்டாக் ஸ்கூட்டர் எலெக்ட்ரிக் மோட்டார் மூலம் இயங்குகிறது.



இந்த மோட்டார் IP67 தரச்சான்று பெற்ற லித்தியம் அயன் பேட்டரியில் இருந்து தேவையான மின்சக்தியை எடுத்துக் கொள்கிறது. இந்த ஸ்கூட்டர் இகோ, ஸ்போர்ட் என இருவித டிரைவிங் மோட்களை கொண்டிருக்கிறது.

செட்டாக் எலெக்ட்ரிக் ஸ்கூட்டரின் முன்புறம் சிங்கில் ஆர்ம் யூனிட், பின்புறம் மோனோஷாக் சஸ்பென்ஷன் வழங்கப்பட்டுள்ளது. பிரேக்கிங்கிற்கு டிஸ்க் மற்றும் டிரம் பிரேக் செட்டப் வழங்கப்பட்டுள்ளது. இந்தியாவில் அர்பனைட் செட்டாக் ஸ்கூட்டர் ஏத்தர் 450 மாடலுக்கு போட்டியாக இருக்கும் என தெரிகிறது.

புதிய செட்டாக் ஸ்கூட்டர் பஜாஜ் ஆட்டோ நிறுவனத்தின் சக்கன் ஆலையில் உற்பத்தி செய்யப்படுகிறது. மேலும் இந்த ஸ்கூட்டர் உற்பத்தி பணிகளை முழுக்க முழுக்க பெண்களே மேற்கொள்வதாக கூறப்படுகிறது. இரு நகரங்களை தொடர்ந்து பஜாஜ் செட்டாக் விற்பனை மற்ற நகரங்களில் வரும் மாதங்களில் துவங்கும் என தெரிகிறது.
Tags:    

Similar News