ஆட்டோ டிப்ஸ்
எம்.ஜி. மோட்டார் கார்

இந்திய விற்பனையில் புது மைல்கல் எட்டிய எம்.ஜி. மோட்டார்ஸ்

Update: 2022-05-10 11:30 GMT
எம்.ஜி. மோட்டார்ஸ் நிறுவனம் இந்திய சந்தை வாகன விற்பனையில் புது மைல்கல் எட்டியதாக புது தகவலை வெளியிட்டு உள்ளது.

எம்.ஜி. மோட்டார் இந்தியா நிறுவனம் இந்திய ஆட்டோமொபைல் சந்தையில் ஒரு லட்சம் கார்களை விற்பனை செய்து இருப்பதாக அறிவித்து இருக்கிறது. எம்.ஜி. ஹெக்டார் எஸ்.யு.வி. மாடல் மூலம் எம்.ஜி. மோட்டார் நிறுவனம் இந்திய சந்தையில் களமிறங்கியது. இந்தியாவில் களமிறங்கி மூன்று ஆண்டுகளில் இந்த மைல்கல்லை எம்.ஜி. மோட்டார்ஸ் எட்டி இருக்கிறது.

தற்போது எம்.ஜி. மோட்டார்ஸ் நிறுவனம் - எம்.ஜி. ஹெக்டார், எம்.ஜி. ஹெக்டார் பிளஸ், எம்.ஜி. ஆஸ்டர், எம்.ஜி. ZS EV மற்றும் எம்.ஜி. குளோஸ்டர் போன்ற மாடல்களை விற்பனை செய்து வருகிறது. எனினும், இந்தியாவில் எம்.ஜி. மோட்டார் இந்தியா ஒரே ஒரு உற்பத்தி ஆலையை வைத்திருக்கிறது. இந்த உற்பத்தி ஆலை குஜராத் மாநிலத்தின் ஹலோல் பகுதியில் அமைந்துள்ளது. இங்கு ஒவ்வொரு ஆண்டும் 80 ஆயிரம் யூனிட்கள் உற்பத்தி செய்யப்பட்டு வருகின்றன.

இந்த உற்பத்தி ஆலையில் சுமார் 2 ஆயிரத்து 500 பேர் பணியாற்றி வருகின்றனர். இவர்களில் 37 சதவீதம் பெண் ஊழியர்கள் ஆவர். மேலும் 2023 டிசம்பர் மாதத்திற்குள் இந்த எண்ணிக்கையை 50 சதவீதமாக அதிகரிக்க எம்.ஜி. மோட்டார்ஸ் நிறுவனம் இலக்கு நிர்ணயம் செய்து இருக்கிறது. சமீபத்தில் எம்.ஜி. மோட்டார் நிறுவனம் மேம்பட்ட எம்.ஜி. ZS EV மாடலை இந்தியாவில் அறிமுகம் செய்தது.

Tags:    

Similar News