ஆட்டோ டிப்ஸ்
ஸ்கோடா குஷக் மாண்ட் கர்லோ

பிரீமியம் அம்சங்களுடன் விற்பனைக்கு அறிமுகமான ஸ்கோடா குஷக் ஸ்பெஷல் எடிஷன்

Update: 2022-05-09 11:38 GMT
ஸ்கோடா நிறுவனத்தின் அதிகம் எதிர்பார்க்கப்பட்ட குஷக் மாண்ட் கர்லோ ஸ்பெஷல் எடிஷன் கார் இந்திய சந்தையில் விற்பனைக்கு அறிமுகம் செய்யப்பட்டது.


ஸ்கோடா ஆட்டோ இந்தியா நிறுவனம் ஏற்கனவே அறிவித்தப்படி இந்திய சந்தையில் தனது குஷக் மாண்ட் கர்லோ எடிஷன் மாடலை இந்தியாவில் அறிமுகம் செய்தது. புதிய ஸ்கோடா குஷக் மாண்ட் கர்லோ எடிஷன் விலை ரூ. 15.99 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. 

புதிய ஸ்கோடா குஷக் மாண்ட் கர்லோ எடிஷன் மாடல் டொர்னாடோ ரெட் நிறம் கொண்டிருக்கிறது. ஸ்பெஷல் வேரியண்ட் மற்றும் ஸ்டாண்டர்டு மாடல்கள் இடையே வித்தியாசத்தை ஏற்படுத்த மாண்ட் கர்லோ எடிஷனில் மாண்ட் கர்லோ பிளாக்டு-அவுட் எலிமண்ட்கள், கிளாஸ் பிளாக் ரூஃப், ORVM-கள், ரூப் ரெயில்கள், முன்புற கிரில், புதிய அலாய் வீல்கள், முன்புற ஃபெண்டரில் மாண்ட் கர்லோ பேட்ஜிங் வழங்கப்பட்டு உள்ளது.

இத்துடன் ஃபுல் எல்.இ.டி. ஹெட்லேம்ப்கள், ஆட்டோமேடிக் வைப்பர்கள், ஹெட்லேம்ப்கள், வெண்டிலேட் செய்யப்பட்ட முன்புற இருக்கைகள், ஆறு ஸ்பீக்கர்கள் கொண்ட ஸ்பீக்கர் சிஸ்டம், சப் வூஃபர், ஆட்டோ டிம்மிங் ரியர் வியூ மிரர், டையர் பிரெஷர் மாணிட்டரிங் போன்ற அம்சங்கள் வழங்கப்பட்டுள்ளன.

புதிய ஸ்கோடா குஷக் மாண்ட் கர்லோ எடிஷனில் 115 பி.ஹெச்.பி. திறன் வழங்கும் 1.0 லிட்டர் யூனிட், 150 ஹெச்.பி. திறன் வழங்கும் 1.5 லிட்டர் என்ஜின் ஆப்ஷன்கள் வழங்கப்பட்டு இருக்கிறது. இரு என்ஜின்களுடன் 6 ஸ்பீடு மேனுவல் கியர்பாக்ஸ் ஸ்டாண்டர்டு அம்சமாக வழங்கப்படுகிறது. இத்துடன் 1.0 லிட்டர் என்ஜினுடன் 6 ஸ்பீடு டார்க் கன்வெர்ட்டர் யூனிட் மற்றும் 1.5 லிட்டர் என்ஜினுடன் 7 ஸ்பீடு டி.எஸ்.ஜி. யூனிட் வழங்கப்பட்டு உள்ளது.

Tags:    

Similar News