இந்தியாவில் போக்ஸ்வேகன் டைகுன் விலையில் திடீர் மாற்றம்

ஜெர்மன் நாட்டு கார் உற்பத்தியாளரான போக்ஸ்வேகன் இந்தியாவில் தனது டைகுன் காம்பேக்ட் எஸ்.யு.வி. மாடல் விலையை ரூ. 60 ஆயிரம் வரை உயர்த்தி இருக்கிறது. அதன்படி புதிய போக்ஸ்வேகன் டைகுன் மாடல் விலை தற்போது ரூ. 11 லட்சத்து 39 ஆயிரம் முதல் துவங்குகிறது. 

டைகுன் பேஸ் மாடலான கம்பர்ட்லைன் விலையில் 3.64 சதவீதம் விலை உயர்த்தப்பட்டு இருக்கிறது. இது காரின் பழைய விலையில் இருந்து ரூ. 40 ஆயிரம் வரை அதிகம் ஆகும். டைகுன் மேனுவல் மற்றும் ஆட்டோமேடிக் வெர்ஷன்களின் விலை ரூ. 40 ஆயிரம் வரை அதிகரிக்கப்பட்டு உள்ளது. இதன் ஹைலைன் MT மாடல் விலை தற்போது ரூ. 40 ஆயிரம் அதிகரித்து ரூ. 13 லட்சத்து 39 ஆயிரத்தில் இருந்து துவங்குகிறது. ஆட்டோமேடிக் மாடல் விலை ரூ. 14 லட்சத்து 79 ஆயிரம் ஆகும்.

போக்ஸ்வேகன் டைகுன் டாப்லைன் மற்ரும் டைகுன் GT மாடல்கள் விலை ரூ. 40 ஆயிரம் உயர்த்தப்பட்டு உள்ளது. இவற்றின் விலை முறையே ரூ. 14 லட்சத்து 99 ஆயிரம் மற்றும் ரூ. 15 லட்சத்து 39 ஆயிரம் என துவங்குகிறது. டைகுன் ஆட்டோமேடிக் மாடல் விலை ரூ. 50 ஆயிரம் அதிகரிக்கப்பட்டு தற்போது ரூ. 16 லட்சத்து 89 ஆயிரம் என துவங்குகிறது. டைகுன் GT AT மாடல் விலை ரூ. 18 லட்சத்து 59 ஆயிரம் என துவங்குகிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.