ஆட்டோமொபைல்
ஸ்கூட்டர் மாடல்களுக்கு பண்டிகை கால சலுகை அறிவித்த யமஹா
யமஹா மோட்டார் இந்தியா நிறுவனம் தனது ஸ்கூட்டர் மாடல்களுக்கு சிறப்பு சலுகை மற்றும் தள்ளுபடிகளை அறிவித்து இருக்கிறது.
யமஹா மோட்டார் இந்தியா நிறுவனத்தின் ஸ்கூட்டர் மாடல்களுக்கு சிறப்பு சலுகைகள் அறிவிக்கப்பட்டு இருக்கின்றன. இவை அக்டோபர் 31 ஆம் தேதி வரை வழங்கப்படுகின்றன.
சிறப்பு சலுகைகளின் படி யமஹா 125சிசி பிரிவில் கிடைக்கும் பசினோ 125 எப்.ஐ., ரே இசட் ஆர் 125 எப்.ஐ., ரே இசட் ஆர் ஸ்டிரீட் ரேலி 125 எப்.ஐ. போன்ற மாடல்களுக்கு ரூ. 3 ஆயிரம் முதல் ரூ. 4 ஆயிரம் வரையிலான கேஷ்பேக் வழங்கப்படுகிறது.
இந்திய சந்தையில் யமஹா நிறுவனம் தற்போது ஆர்.15 வி4 (155சிசி) ஏ.பி.எஸ்., எம்.டி.15 (155சிசி) ஏ.பி.எஸ். புளூ கோர் தொழில்நுட்பம், எப்.இசட். 25 249சிசி (ஏ.பி.எஸ்.), எப்.இசட். எஸ் எப்.ஐ. 149சிசி ஏ.பி.எஸ்., எப்.இசட். எப்.ஐ. 149சிசி ஏ.பி.எஸ்., எப்.இசட். எக்ஸ் 149சிசி ஏ.பி.எஸ்., ஏரோக்ஸ் போன்ற மாடல்களை விற்பனை செய்து வருகிறது.