ஆட்டோமொபைல்
நோய் கிருமிகளை அழிக்கும் புதிய ஏர் பில்ட்டர் அறிமுகம் செய்த ஹோண்டா
ஹோண்டா கார்ஸ் இந்தியா நிறுவனம் புதிதாக கேபின் ஏர் பில்ட்டரை அறிமுகம் செய்து இருக்கிறது.
ஹோண்டா கார்ஸ் இந்தியா நிறுவனம் தனது வாகனங்களில் புதிதாக ஆண்டிவைரஸ் கேபின் ஏர் பில்ட்டர் வழங்க இருப்பதாக அறிவித்து இருக்கிறது. இந்த பில்ட்டர் காரினுள் இருக்கும் கிருமிகளை கொன்றுகுவிக்கும். இதனால் பயனர்களின் ஆரோக்கியம் கிருமிகளால் பாழாகாமல் இருக்கும்.
உலகம் முழுக்க நோய்த்தொற்று அபாயம் அதிகரித்து வரும் சூழலில் இதுபோன்ற அம்சம் மிகவும் பயனுள்ளதாக இருக்கிறது. புதிய கேபின் ஏர் பில்ட்டர் நாடு முழுவதிலும் இயங்கி வரும் ஹோண்டா விற்பனை மையங்களில் கிடைக்கிறது.
வாடிக்கையாளர்கள் விற்பனை மையங்களுக்கு சென்று இவற்றை தங்களின் கார்களில் பொறுத்திக் கொள்ள முடியும். ஒருவரின் இருமலில் இருந்தே நோய் கிருமிகள் மற்றவர்களுக்கு பரவும். காரினுள் இதற்கான சாத்தியக்கூறுகள் சற்று அதிகமே. புதிய ஏர்பில்ட்டர் நோய் கிருமி பரவுதலை கட்டுப்படுத்துகிறது.