ஆட்டோமொபைல்
ரோல்ஸ் ராய்ஸ் ஸ்பெக்டர்

எலெக்ட்ரிக் கார் டீசர் வெளியிட்ட ரோல்ஸ் ராய்ஸ்

Published On 2021-09-30 06:53 GMT   |   Update On 2021-09-30 06:53 GMT
ரோல்ஸ் ராய்ஸ் நிறுவனத்தின் எலெக்ட்ரிக் கார் மாடல் ஆடம்பர வசதிகளுடன், அனைத்து அம்சங்களையும் கொண்டிருக்கும்.


ரோல்ஸ் ராய்ஸ் நிறுவனம் தனது முதல் எலெக்ட்ரிக் கார் மாடலுக்கான டீசரை வெளியிட்டது. இதனை ரோல்ஸ் ராய்ஸ் மோட்டார் கார்ஸ் நிறுவன தலைமை செயல் அதிகாரி டோஸ்டென் முல்லர் அட்வோஸ் லின்க்டு-இன் தளத்தில் பதிவிட்டார்.

115 ஆண்டு பழைமை மிக்க நிறுவனமான ரோல்ஸ் ராய்ஸ் தனது ஸ்பெக்டர் மாடல் கொண்டு எலெக்ட்ரிக் வாகனங்கள் பிரிவில் களமிறங்குகிறது. 



'துணிவு மிக்க புதிய எதிர்காலத்தில் பெரும் நம்பிக்கையுடன் கால் பதிக்கிறோம். எலெக்ட்ரிக் டிரைவ் மற்ற ஆட்டோமொபைல் நிறுவனங்களை விட எங்களுக்கு கச்சிதமாக பொருந்தும். இது மிகவும் அமைதியாக, சீராக, இழுவிசையை உடனடியாக வெளிப்படுத்தி அதிக ஆற்றலை உருவாக்கும்,' என ரோல்ஸ் ராய்ஸ் நிறுவன தலைமை செயல் அதிகாரி தெரிவித்தார். 

இந்த காலத்து வாடிக்கையாளர்கள் எலெக்ட்ரிக் வாகனத்தில் எதிர்பார்க்கும் அனைத்து அம்சங்களையும் ரோல்ஸ் ராய்ஸ் ஸ்பெக்டர் கொண்டிருக்கும், என அவர் மேலும் தெரிவித்தார்.  

Tags:    

Similar News