ஆட்டோமொபைல்
ரெனால்ட் கார்

ரெனால்ட் நிறுவன கார் மாடல்களுக்கு ரூ. 1 லட்சம் வரையிலான சலுகை அறிவிப்பு

Published On 2021-09-08 09:15 GMT   |   Update On 2021-09-08 09:15 GMT
ரெனால்ட் நிறுவனம் தனது கார் மாடல்களுக்கு செப்டம்பர் மாதத்திற்கான சலுகை விவரங்களை வெளியிட்டுள்ளது.


ரெனால்ட் இந்தியா நிறுவனம் பண்டிகை காலத்தை முன்னிட்டு சிறப்பு சலுகை மற்றும் தள்ளுபடியை அறிவித்து இருக்கிறது. இவை தள்ளுபடி, எக்சேன்ஜ் போனஸ், கார்ப்பரேட் மற்றும் லாயல்டி பலன் வடிவில் வழங்கப்படுகிறது. 

ரெனால்ட் க்விட் 1 லிட்டர் மாடலுக்கு ரூ. 10 ஆயிரம் தள்ளுபடி, ரூ. 20 ஆயிரம் எக்சேன்ஜ் சலுகை, 0.8 லிட்டர் மாடலுக்கு ரூ. 15 ஆயிரம் எக்சேன்ஜ் சலுகை வழங்கப்படுகிறது. ரெனால்ட் டிரைபர் 2021 முந்தைய மாடலுக்கு ரூ. 25 ஆயிரம் தள்ளுபடி, ரூ. 25 ஆயிரம் எக்சேன்ஜ் போனஸ், ரூ. 10 ஆயிரம் கார்ப்பரேட் தள்ளுபடி வழங்கப்படுகிறது.



2021 டிரைபர் மாடலுக்கு ரூ. 10 ஆயிரம் கார்ப்பரேட் சலுகை, ரூ. 25 ஆயிரம் எக்சேன்ஜ் சலுகை, ரூ. 15 ஆயிரம் தள்ளுபடி வழங்கப்படுகிறது. ரெனால்ட் கைகர் மாடலுக்கு ரூ. 95 ஆயிரம் வரையிலான சலுகைகள் வழங்கப்படுகின்றன.

ரெனால்ட் டஸ்டர் மாடலுக்கு ரூ. 30 ஆயிரம் தள்ளுபடி, ரூ. 20 ஆயிரம் எக்சேன்ஜ் போனஸ், ரூ. 30 ஆயிரம் கார்ப்பரேட் தள்ளுபடி வழங்கப்படுகிறது. 

Tags:    

Similar News