ஆட்டோமொபைல்
கே.டி.எம். 250 அட்வென்ச்சர் மாடலுக்கு அதிரடி சலுகை அறிவிப்பு
பஜாஜ் ஆட்டோ நிறுவனம் தனது கே.டி.எம். 250 அட்வென்ச்சர் மோட்டார்சைக்கிள் விற்பனையை அதிகப்படுத்த புது திட்டம் தீட்டி இருக்கிறது.
பஜாஜ் ஆட்டோ நிறுவனம் கே.டி.எம். 250 அட்வென்ச்சர் மோட்டார்சைக்கிள் மாடலுக்கு சிறப்பு தள்ளுபடி வழங்குகிறது. அதன்படி இந்த மோட்டார்சைக்கிள் விலை ரூ. 25 ஆயிரம் வரை குறைக்கப்பட்டு இருக்கிறது. விலை குறைப்பு ஜூலை 14இல் துவங்கி ஆகஸ்ட் 31 ஆம் தேதி வரை வழங்கப்படுகிறது.
புதிய சலுகை மூலம் 250 அட்வென்ச்சர் மாடல் விற்பனையை அதிகப்படுத்த பஜாஜ் ஆட்டோ திட்டமிட்டு இருக்கிறது. கே.டி.எம். 250 அட்வென்ச்சர் மாடலில் 248சிசி DOHC 4-வால்வு ஒற்றை சிலிண்டர் லிக்விட் கூல்டு என்ஜின் வழங்கப்பட்டு இருக்கிறது.
இந்த என்ஜின் 30 பி.எஸ். பவர், 24 நியூட்டன் மீட்டர் டார்க் செயல்திறன் வழங்குகிறது. இத்துடன் பவர் அசிஸ்ட் ஸ்லிப்பர் கிளட்ச் வழங்ப்படுகிறது. இத்துடன் WP APEX சஸ்பென்ஷன் கிட், போஷ் நிறுவனத்தின் ஏ.பி.எஸ். சிஸ்டம் போன்ற அம்சங்கள் உள்ளது.