ஆட்டோமொபைல்
ஜப்பானிற்கு ஏற்றுமதியாகும் ஹோண்டா CB350 RS
ஹோண்டா நிறுவனம் இந்தியாவில் உற்பத்தி செய்த CB350 RS மோட்டார்சைக்கிள் ஜப்பானில் அறிமுகம் செய்யப்பட்டு இருக்கிறது.
ஹோண்டா நிறுவனம் இந்தியாவில் உற்பத்தி செய்யும் CB350 RS மோட்டார்சைக்கிள் ஜப்பான் சந்தையில் அறிமுகம் செய்யப்பட்டது. ஜப்பானில் இந்த மோட்டார்சைக்கிள் GB350 பெயரில் அறிமுகமாகி இருக்கிறது. ஜூலை 15 ஆம் தேதி இந்த மாடல் ஜப்பான் விற்பனை மையங்களை சென்றடையும்.
ஜப்பானில் இந்த மோட்டார்சைக்கிள் ஹோண்டா GB350 மற்றும் ஹோண்டா GB350 S என இரண்டு வேரியண்ட்களில் விற்பனை செய்யப்படுகிறது. இதன் உயர் ரக S வேரியண்ட் புது நிறத்தில் கிடைக்கும். இத்துடன் சில பிரீமியம் அம்சங்கள் வழங்கப்படுகிறது.
ஹோண்டா GB350 மாடலிலும் 349சிசி ஏர்-கூல்டு, லாங்-ஸ்டிரோக், சிங்கில் சிலிண்டர் என்ஜின் வழங்கப்பட்டு இருக்கிறது. இது 20.8 பிஹெச்பி பவர், 30 நியூட்டன் மீட்டர் டார்க் செயல்திறன் வழங்குகிறது.