ஆட்டோமொபைல்
2021 டிரையம்ப் போன்வில்

2021 டிரையம்ப் போன்வில் வெளியீட்டு விவரம்

Published On 2021-02-10 10:22 GMT   |   Update On 2021-02-10 10:50 GMT
டிரையம்ப் மோட்டார்சைக்கிள்ஸ் நிறுவனத்தின் 2021 போன்வில் மாடல் வெளியீட்டு விவரங்களை தொடர்ந்து பார்ப்போம்.


டிரையம்ப் மோட்டார்சைக்கிள்ஸ் நிறுவனம் 2021 போன்வில் மோட்டார்சைக்கிள்களை பிப்ரவரி 23 ஆம் தேதி அறிமுகம் செய்ய இருப்பதாக தெரிவித்து உள்ளது. வெளியீட்டு தேதி அறிவிப்பை டீசர் வீடியோ மூலம் டிரையம்ப் தெரிவித்து இருக்கிறது.

டீசர் வீடியோவில் ஸ்பீடுமாஸ்டர், பாபர், போன்வில் டி120, போன்வில் டி100, ஸ்டிரீட் ட்வின் மற்றும் ஸ்பீடு ட்வின் என ஆறு மாடல்கள் இடம்பெற்று இருக்கின்றன. இவற்றில் ஸ்டிரீட் ஸ்கிராம்ப்ளர் மற்றும் திரக்ஸ்டன் 2021 வெர்ஷன் இடம்பெறவில்லை.



புதிய மாடல்கள் யூரோ 5 விதிகளுக்கு பொருந்தும் வகையில் உருவாக்கப்பட்டு இருக்கின்றன. எனினும், இதனால் மோட்டார்சைக்கிள் மாடல்களின் செயல்திறன் அதிகரிக்குமா அல்லது குறையுமா என்பது குறித்து இதுவரை எந்த தகவலும் இல்லை. 

சர்வதேச வெளியீட்டை தொடர்ந்து புதிய மாடல்கள் இந்திய சந்தையிலும் அறிமுகம் செய்யப்படலாம் என எதிர்பார்க்கப்படுகிறது. மேலும் இதன் மூலம் விற்பனையை அதிகப்படுத்தவும் டிரையம்ப் மோட்டார்சைக்கிள்ஸ் திட்டமிட்டு வருகிறது.
Tags:    

Similar News