ஆட்டோமொபைல்
எம்ஜி இசட்எஸ் பெட்ரோல் வேரியண்ட் வெளியீட்டு விவரம்
எம்ஜி மோட்டார்ஸ் நிறுவனத்தின் புதிய இசட்எஸ் பெட்ரோல் வேரியண்ட் இந்திய வெளியீட்டு விவரங்களை தொடர்ந்து பார்ப்போம்.
எம்ஜி மோட்டார் இந்தியா நிறுவனம் தனது நான்காவது மாடலை இந்திய சந்தையில் அறிமுகம் செய்ய தயாராகி வருகிறது. இது எம்ஜி இசட்எஸ் பெட்ரோல் வேரியண்ட் ஆகும். புதிய இசட்எஸ் பெட்ரோல் வேரியண்ட் இந்த ஆண்டின் இரண்டாவது அரையாண்டு வாக்கில் அறிமுகம் செய்யப்படலாம் என எதிர்பார்க்கப்படுகிறது.
தற்சமயம் எம்ஜி இசட்எஸ் எலெக்ட்ரிக் வேரியண்ட் இந்திய சந்தையில் விற்பனை செய்யப்படுகிறது. இதன் பெட்ரோல் வேரியண்ட் இந்திய சந்தையில் ஹூண்டாய் கிரெட்டா, கியா செல்டோஸ், நிசான் கிக்ஸ் மற்றும் ரெனால்ட் டஸ்டர் போன்ற மாடல்களுக்கு போட்டியாக அமைகிறது.
புதிய எம்ஜி இசட்எஸ் பெட்ரோல் வேரியண்ட் அதன் எலெக்ட்ரிக் மாடலில் உள்ளதை போன்ற அம்சங்களை கொண்டிருக்கும் என எதிர்பார்க்கப்படுகிறது. அதன்படி பெட்ரோல் வேரியண்ட்டில் பானரோமிக் சன்ரூப், ஆட்டோமேடிக் கிளைமேட் கண்ட்ரோல், தொடுதிரை வசதி கொண்ட இன்போடெயின்மென்ட் சிஸ்டம் போன்றவை வழங்கப்படுகிறது.
எம்ஜி இசட்எஸ் மாடலில் 1.5 லிட்டர் மோட்டார் மற்றும் 1.3 லிட்டர் டைரக்ட்-இன்ஜெக்ஷன் டர்போ யூனிட் என இருவித என்ஜின் ஆப்ஷன்களில் கிடைக்கும் என தெரிகிறது. இரு என்ஜின்களும் முறையே 118 பிஹெச்பி பவர், 150 என்எம் டார்க் செயல்திறன் மற்றும் 161 பிஹெச்பி பவர், 230 என்எம் டார்க் செயல்திறன் வழங்கும்.
இரு என்ஜின்களுடன் முறையே 5 ஸ்பீடு மேனுவல் டிரான்ஸ்மிஷன் மற்றும் 6 ஸ்பீடு மேனுவல் அல்லது டார்க் கன்வெர்ட்டர் ஆட்டோமேடிக் யூனிட் வழங்கப்படலாம்.