ஆட்டோமொபைல்
டேட்சன் வாகனங்களுக்கு ரூ. 40 ஆயிரம் வரையிலான சலுகை அறிவிப்பு
டேட்சன் நிறுவன வாகனங்களுக்கு இந்தியாவில் ரூ. 40 ஆயிரம் வரையிலான சலுகை அறிவிக்கப்பட்டு இருக்கிறது.
டேட்சன் இந்தியா நிறுவனம் தனது வாகனங்களுக்கு அசத்தலான சலுகைகளை அறிவித்து இருக்கிறது. இந்தியாவில் டேட்சன் நிறுவனம் ரெடிகோ, கோ மற்றும் கோ பிளஸ் போன்ற மாடல்களை விற்பனை செய்து வருகிறது. சலுகைகள் வேரியண்ட் மற்றும் பகுதிகளுக்கு ஏற்ப வேறுபடும். மேலும் இந்த சலுகை ஜனவரி 31 ஆம் தேதி வரை வழங்கப்படுகிறது.
டேட்சன் கோ மற்றும் கோ பிளஸ் மாடல்களுக்கு ரூ. 20 ஆயிரம் தள்ளுபடி, ரூ. 20 ஆயிரம் எக்சேன்ஜ் சலுகையும், ரெடிகோ மாடலுக்கு ரூ. 15 ஆயிரம் தள்ளுபடி, ரூ. 15 ஆயிரம் எக்சேன்ஜ் சலுகை ரூ. 5 ஆயிரம் கார்ப்பரேட் சலுகை வழங்கப்படுகிறது.
ஐந்து பேர் பயணிக்கக்கூடிய கோ மற்றும் ஏழு பேர் பயணிக்கக்கூடிய கோ பிளஸ் மாடல்களில் 1.2 லிட்டர், 3-சிலிண்டர் பெட்ரோல் என்ஜின் வழங்கப்பட்டு இருக்கிறது. இந்த என்ஜின் 5 ஸ்பீடு மேனுவல் மற்றும் சிவிடி டிரான்ஸ்மிஷன் ஆப்ஷன்களில் கிடைக்கிறது.
இதன் மேனுவல் டிரான்ஸ்மிஷன் வேரியண்ட் 67 பிஹெச்பி பவர், 104 என்எம் டார்க் செயல்திறன் வழங்குகிறது. இதன் சிவிடி வேரியண்ட் 76 பிஹெச்பி பவர், 104 என்எம் டார்க் செயல்திறன் வழங்குகிறது.