ஆட்டோமொபைல்
ஹோண்டா ஹைனெஸ் சிபி350

இந்தியாவில் ஹோண்டா சிபி 350 விநியோகம் துவக்கம்

Published On 2020-10-23 10:42 GMT   |   Update On 2020-10-23 10:42 GMT
ஹோண்டா நிறுவனத்தின் புதிய ஹோண்டா ஹைனெஸ் சிபி 350 மோட்டார்சைக்கிள் இந்திய விநியோக விவரங்களை பார்ப்போம்.


ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் இந்தியாவில் ஹைனெஸ் சிபி 350 மோட்டார்சைக்கிளை விநியோகம் செய்ய துவங்கி இருக்கிறது. முன்னதாக இந்த மாடல் ஹரியானா மாநிலத்தில் இருந்து விற்பனையகங்களுக்கு அனுப்பும் பணிகள் துவங்கியது.

இந்திய சந்தையில் ஹைனெஸ் சிபி 350 டிஎல்எக்ஸ் மற்றும் டிஎல்எக்ஸ் ப்ரோ என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 1.85 லட்சம் மற்றும் ரூ. 1.90 லட்சம் என நிர்ணயம் செய்யப்பட்டு உள்ளது.



ஹோண்டா ஹைனெஸ் 350 மாடலில் 348.36சிசி, சிங்கிள் சிலிண்டர், ஏர் கூல்டு என்ஜின் வழங்கப்பட்டு உள்ளது. இத்துடன் 5 ஸ்பீடு கியர்பாக்ஸ் ஸ்லிப்பர் கிளட்ச் வழங்கப்பட்டு இருக்கிறது. இந்த என்ஜின் 20.5 பிஹெச்பி பவர், 30 என்எம் டார்க் செயல்திறன் வழங்குகிறது.

புதிய ஹோண்டா ஹைனெஸ் மாடல் ராயல் என்பீல்டு கிளாசிக் 350, ஜாவா மற்றும் பெனலி இம்பீரியல் 400 உள்ளிட்ட மாடல்களுக்கு போட்டியாக அமைகிறது. 
Tags:    

Similar News