ஆட்டோமொபைல்
ராயல் என்பீல்டு 350 எக்ஸ்

சோதனையில் சிக்கிய ராயல் என்பீல்டு 650சிசி குரூயிசர் மாடல்

Published On 2020-10-15 09:09 GMT   |   Update On 2020-10-15 09:09 GMT
ராயல் என்பீல்டு நிறுவனத்தின் 650சிசி குரூயிசர் மாடல் ஸ்பை படங்கள் இணையத்தில் லீக் ஆகி இருக்கிறது.


ராயல் என்பீல்டு நிறுவனம் 650சிசி குரூயிசர் மோட்டார்சைக்கிளை இந்தியாவில் சோதனை செய்து வருகிறது. இதன் ஸ்பை படங்கள் இணையத்தில் லீக் ஆகி உள்ளது. 

புதிய ஸ்பை படங்களின் படி ராயல் என்பீல்டு 650 சிசி குரூயிசர் மாடல் லெயிட்-பேக் ரைடிங் பொசிஷன் கொண்டிருக்கிறது. இதன் பியூவல் டேன்க் பார்க்க தன்டர்பேர்டு மாடலில் உள்ளதை போன்றே காட்சியளிக்கிறது. இதில் உள்ள நீண்ட மற்றும் லோ-செட் எக்சாஸ்ட் பைப்கள் மோட்டார்சைக்கிளுக்கு கிளாசிக் தோற்றத்தை வழங்குகிறது.



இத்துடன் 650சிசி குரூயிசர் மாடலில் ப்ளூடூத் கனெக்டிவிட்டி கொண்டிருக்கும் என தெரிகிறது. இந்த மாடலில் இன்டர்செப்டார் மற்றும் கான்டினென்டல் ஜிடி 650 மாடல்களில் வழங்கப்பட்ட 648சிசி பேரலெல் ட்வின் என்ஜின் வழங்கப்படலாம் என தெரிகிறது.

ஸ்பை படங்கள் கிட்டத்தட்ட ப்ரோடக்ஷன் மாடலாக இருக்கும் என தெரிகிறது. இது 2021 ஆண்டு வாக்கில் அறிமுகம் செய்யப்படலாம் என எதிர்பார்க்கப்படுகிறது. இதன் விலை ரூ. 2.80 லட்சத்தில் துவங்கி ரூ. 2.85 லட்சம், எக்ஸ் ஷோரூம் வரை நிர்ணயம் செய்யப்படலாம்.
Tags:    

Similar News