ஆட்டோமொபைல்
முகக்கவசம் உருவாக்கும் பணியில் லம்போர்கினி ஊழியர்கள்

முகக்கவசங்களை உருவாக்கும் பணிகளை துவங்கிய லம்போர்கினி

Published On 2020-04-02 12:03 GMT   |   Update On 2020-04-02 12:03 GMT
ஆடம்பர கார் தயாரிப்பு நிறுவனமான லம்போர்கினி முகக்கவசங்களை உருவாக்கும் பணிகளை துவங்கி இருக்கிறது.



சான்ட் அகான்டா போலோக்னீஸ் லம்போர்கினி சூப்பர் ஸ்போர்ட்ஸ் கார் உற்பத்தி ஆலையின் பிரிவுகளில் முகக்கவசங்கள் மற்றும் பிளெக்சிகிளாஸ் கவசங்களை உருவாக்கும் பணிகள் துவங்கி இருக்கிறது. இங்கு உருவாக்கப்படும் முகக்கவசங்கள் கொரோனா வைரஸ் பாதிப்பில் சிக்கித்தவிப்போருக்கு வழங்கப்பட இருக்கிறது.



லம்போர்கினி கார்களில் கஸ்டமைசேஷன் பணிகளை மேற்கொள்ளும் பிரிவுகள் முகக்கவசங்களை உருவாக்கும் பணிகளில் ஈடுபடுத்தப்பட்டுள்ளன. இங்கு நாள் ஒன்றுக்கு ஆயிரம் முகக்கவசங்களை உருவாக்க திட்டமிடப்பட்டுள்ளது. இதுதவிர லம்போர்கினி சார்பில் மருத்துவ கவசங்களும் உருவாக்கப்படுகின்றன. இவை நாள் ஒன்றுக்கு 200 யூனிட்கள் வரை உருவாக்க திட்டமிடப்பட்டுள்ளன.

கார்பன் ஃபைபர் உற்பத்தி, ஆய்வு மற்றும் உற்பத்தி துறைகளுக்கான ஆலையில் 3டி பிரின்ட்டர்கள் மூலம் இவை உருவாக்கப்படுகின்றன. லம்போர்கினி உருவாக்கும் முகக்கவசங்கள் மற்றும் மருத்துவ கவசங்கள் முறையான சோதனைக்கு பின் பயன்பாட்டிற்கு விநியோகம் செய்யப்பட இருக்கிறது.  
Tags:    

Similar News